Thursday, April 25, 2013

အမေသို့တိုင်တည်ခြင်း


ရက်ကိုလစား၊ လကိုနှစ်စားလို့ နှစ်သစ်တစ်ခုကို ကူးပြောင်းသွားပြီ ဆိုရင်ဖြင့် ကျွန်တော်တို့အားလုံးရဲ့ အသက်တွေလည်း တစ်နှစ်ပိုပြီး ကြီးလို့သွားပါပြီ။ လူ့လောကမှာ လူသားတစ်ယောက်အဖြစ်လာဖို့ အရေး မိခင်များက မိမိတို့ရဲ့ရင် ၌ပဋိသန္ဓေသားကို ၉လလွယ်၊ ၁၀ လဖွားဖို့အရေး အနေအထိုင်၊ အစားအသောက်က စလို့အစစအရာ ဆင်ခြင်နေထိုင်ပြီး သန္ဓေသားကိုပင်ပန်းကြီးစွာထိန်းသိမ်းစောင့်ရှောက် ရပါတယ်။ မိန်းမသားတွေရဲ့ ဘ၀မှာ“ ကိုယ်ဝန်ဆောင်ရခြင်း ”ဆိုတဲ့ အလုပ်ဟာ အင်မတန်မှ ပင်ပန်းလှသလို အင်မတန်မှလည်း အသက်အန္တရာယ်နဲ့ နီးကပ်တယ်ဆိုတာ မိခင်တွေသာ ပိုပြီးသိကြမှာပါ။ 


“ယောက်ျားဖောင်စီး မိန်းမမီးနေ” ဆိုပြီးဆိုရိုးစကားရှိသလို ကိုယ်ဝန်ဆောင်မိခင်တွေဟာလည်း “တစ်နေ့သင်္ချိုင်း မျက်စောင်းသုံးခါထိုးရတယ်” ဆိုတဲ့စကားကို ကိုယ်ဝန်ဆောင်ဖူးတဲ့မိခင်တွေ ထက်ဘယ်သူ မှပိုပြီးမသိနိုင်ကြပါဘူး။ ဒါတွေကိုသိလို့သေမှာကြောက်ပြီး အမေတွေ သာကိုယ်ဝန်မဆောင်ပဲ နေခဲ့ကြရင်ဖြင့် ကျွန်တော်တို့လူဖြစ်လာစရာ အကြောင်းမရှိပါဘူး။ အမေတွေသူတို့ အသက်နဲ့ရင်းပြီးမွေးပေးခဲ့ လို့ ကျွန်တော်တို့အားလုံးလူ့လောကမှာ လူရယ်လို့ဖြစ်တည် လာကြရတာပါ...။



“ အမေသို့တိုင်တည်ခြင်း ” 


အမေအသက်နဲ့ ရင်းပြီးခက်ခက်ခဲခဲ ၉လလွယ် ၁၀ဖွားပေးခဲ့ လို့ ကျွန်တော်လူ့လောကထဲကို ရောက်ရှိလာတာဖြင့် ဒီနေ့ဆို ရင် ၃၄ နှစ်တင်းတင်း ပြည့်ခဲ့ပါပြီအမေ။ လူဖြစ်အောင်အမေမွေးပေးခဲ့တဲ့ မွေးကျေးဇူးလေးကိုတောင် ကျေအောင်မ ဆပ်နိုင်ခဲ့ပါဘူးအမေ။ အမေတိုက်ခဲ့တဲ့နို့ချိုတွေ၊ အမေအပင်ပန်းခံပြီး ပြုစုပျိုးထောင်ပေးခဲ့တာတွေ အတွက် ကျေးဇူး ပါအမေ။ အမေ့ကိုအသက်ထက်ဆုံးမွေး ကျေးဇူးတွေ ဆပ်ချင်ပေမယ့် ကံတရားကကျွန်တော့်ကို မျက်နှာသာမပေးခဲ့ ပါဘူးအမေ။ အမေစိတ်ချလို့ထားခဲ့တဲ့ ဘ၀ထဲမှာကျွန်တော် အမေ့ရဲ့ သွန်သင်ဆုံးမမှုလေးတွေကို တစ်သွေမတိမ်း ထိန်းသိမ်း လိုက်နာရင်း အမေ့ကျေးဇူးတွေကို ကျွန်တော်အခုချိန်ထိဆပ် နေတုန်းပါအမေ။ 


ဘ၀မှာလူတော်တစ်ယောက်မဖြစ်ခဲ့ပေမယ့် လူကောင်းတစ် ယောက်ဖြစ်အောင်တော့ ကျွန်တော်အမြဲတမ်းကြိုးစားပါတယ် အမေ။ အမေဖြစ်စေချင်တဲ့ လူပီသတဲ့လူသားတစ်ယောက်အ ဖြစ်နေထိုင်ကျင့်ကြံရင်း အမေ့ကျေးဇူးတွေကိုသားဆပ်နေပါ တယ်အမေ။ အမေကျွန်တော်တို့ ကိုခွဲခွာသွားတာကြာခဲ့ပေ မယ့် ကျွန်တော့်ရင်ထဲမှာတော့ အမေကထာဝရ ရှင်သန်နေ တုန်းပါအမေ။ အထူးသဖြင့်တော့ အခုလိုရက်မျိုးတွေမှာ အမေ့ ကိုပိုလို့သတိရနေမိပါတယ် အမေ။ မွေးနေ့မှာ ကျွန်တော် အမေ့ အတွက်ရည်စူးလို့ ကောင်းမှုကုသိုလ်အမြဲတမ်းလုပ်ပေးပါတယ် အမေ။ 



အမေ့အတွက်နေ့စဉ်ပြုနေကျ ကုသိုလ်အပြင် ကျွန်တော့်ကိုလူ့လောကထဲရောက်အောင် မွေးထုတ်ပေးခဲ့ ဒီလိုနေ့မျိုးမှာတော့ ကျွန်တော်ပြုသမျှ ကုသိုလ်ကောင်းမှုအားလုံးကအမေ့အတွက်ပါအမေ။ ကျွန်တော်ပြုသမျှ ကုသိုလ်ကောင်းမှုအစုစုအတွက် အမေကြားရာ၊ ရောက်ရာ အရပ်၊ ဘုံဌာန ကနေသာဓုခေါ်ဆို နိုင်ပါစေ အမေ။   ။



အမေ့ရဲ့ သားငယ် 
ရာဇာထွေး 




မှတ်ချက်။ ။ မိဘဆိုတာရှိနေသေးရင် ကိုယ့်အတွက်အင်မတန်မှ ကုသိုလ်ထူးပါတယ်။ အမိအဖ ကိုမှီပြီးရတဲ့ ကုသိုလ် မျိုးဆိုတာနောင် သံသရာထိအောင်မစောင့်ပါဘူး။ လက်ရှိဘ၀မှာတင်ကောင်းကျိုး ချမ်းသာကိုပေးစွမ်းနိုင်ပါတယ်။ သူငယ်ချင်းတို့တွေမှာ အမိအဖတွေ များသက်ရှိရှိနေသေးတယ်ဆိုရင် ရတောင့်ရခဲလှတဲ့ ကုသိုလ်မို့ အမိ အဖများကို အလုပ်ကျွေးပြုရင်းမွေးကျေးဇူးတွေဆပ်ကြပါလို့ တိုက် တွန်းချင်ပါတယ်...လောကကြီးမှာ ဆုံးရှုံးသွားပြီးရင်ပြန်မရနိုင်တဲ့ အရာဟာ “ မိဘနဲ့ အချိန် ” ပါ။
read more

Saturday, April 13, 2013

မြန်မာနှစ်သစ်ကူးအကြို နှုတ်ခွန်းဆက်သခြင်း



မြန်မာကောဇာသက္ကရာဇ် ၁၃၇၄ ခုနှစ်၊ တန်ခူးလဆန်း ၃ ရက်၊ စနေနေ့ (၁၃/ ၀၄/ ၂၀၁၃) တွင် အတာသင်္ကြန်အကြို ကျ ရောက်ခြင်းဖြင့် “ မြန်မာနှစ်သစ်ကူး ” အချိန်အခါသမယကိုစတင်ပါပြီ။ အခုလိုနှစ်သစ်ကူးတဲ့ အချိန်အခါသမယအတွင်း အွန်လိုင်းပေါ်မှ မိတ်ဆွေသူငယ်ချင်း ညီအကိုမောင်နှမများ နှင့် ရဟန်းသံဃာတော် အရှင်သူမြတ်များ အားလုံးကိုယ် စိတ်နှစ်ပါး ရွှင်လန်းအေးချမ်းကြပြီး “ကျက်သရေမင်္ဂလာအပေါင်းနဲ့ ခညောင်းပြည့်စုံသော မင်္ဂလာနှစ်သစ်” ဖြစ်ပါစေလို့ ကျွန်တော် ဆုမွန်ကောင်းတောင်းပေးလိုက်ပါတယ် ခင်ဗျာ။


ကျွန်တော်တို့အားလုံး နှစ်ဟောင်းတစ်ခုကိုလက်ပြနှုတ်ဆက်ရင်း မင်္ဂလာရှိလှတဲ့နှစ်သစ်ကို စိတ်လက်ပေါ့ပါးစွာဖြင့် ကြို ဆိုလိုက် ကြအောင်လားခင်ဗျာ။ ကျန်ခဲ့တဲ့နှစ်ဟောင်းအတွင်းမှာ ကျွန်တော်တို့အားလုံးကံဇာတ်ဆရာရဲ့ အလိုကျကပြ လို့အသုံးတော်ခံ ခဲ့ရပြီးပါပြီ။ ကျွန်တော်တို့ကျင်လည်ရာ အွန်လိုင်းစာမျက်နှာများပေါ်မှ ထိပ်လန့်ကြောက်ရွံ့စရာ အနိဌာ ရုံမြင်ကွင်းတွေ၊ စိတ်အနှောင့်အယှက်ဖြစ်စရာ ကောလဟာလသတင်းတွေနဲ့အတူ စိတ်ညစ်စရာတွေ၊ ၀မ်းနည်းစရာတွေ၊ အဆင်မပြေမှုတွေ နဲ့တစ်နှစ်ပတ်လုံး နပန်းလုံးနေခဲ့ရလို့ကျွန်တော်တို့အားလုံး ကိုယ်စိတ်နှစ်ပါး ညှိုးနွမ်းခဲ့ကြရတာ လည်းအမှန်ပါ။ အခုလိုနှစ်သစ်မှာ နှစ်ဟောင်းကအဆင်မပြေမှုတွေ၊ စိတ်ပင်ပန်းနွမ်းနယ်မှုတွေအားလုံးကို ခ၀ါချလို့ အတာသင်္ကြန်ရေနဲ့ ဆေးကြောရင်း မင်္ဂလာနှစ်သစ်ကို စိတ်လက်ပေါ့ပါးရွှင်လန်းစွာဖြင့် ကျွန်တော်ရဲ့ဘလော့မိတ်ဆွေ ညီအကိုမောင်နှမများအားလုံး ကျော်ဖြတ်နိုင်ကြပါစေလို့ ကျွန်တော်ဆန္ဒပြုလိုက်ပါတယ်ခင်ဗျာ။



ပြီးခဲ့တဲ့ တစ်နှစ်တာပတ်လုံးကျွန်တော်ရဲ့ ဘလော့စာမျက်နှာလေးကို အချိန်ကုန်ခံပြီးလာရောက်လည်ပတ်သွားကြတဲ့ သူ များ၊ တင်သမျှ(ကောင်းကောင်း၊ မကောင်းကောင်း)ပို့စ်များ ကိုအမြဲလာရောက်အားပေးတတ်တဲ့ ဘလော့မိတ်ဆွေသူငယ် ချင်းများ အားလုံးကို ကျေးဇူးအထူးတင်ရှိပါတယ်ခင်ဗျာ။ မြန်မာနှစ်သစ်ကူးအတာသင်္ကြန်ကာလအတွင်း ဥပုသ်သီ လဆောက်တည်ကြမည့် ဘလော့ဂါ ဓမ္မမိတ်ဆွေများနှင့် အတာသင်္ကြန်ပွဲဆင်နွဲကြမည့် ဘလော့ဂါမိတ်ဆွေ သူငယ်ချင်း ညီအကိုမောင်နှမများအားလုံး ကိုယ်စိတ်နှစ်ပါး ရွှင်လန်းအေးချမ်းကြပါစေခင်ဗျာ။



ရာဇာထွေး
read more

Wednesday, April 10, 2013

ရိုးရာယဉ်ကျေးမှု သင်္ကြန်ဖြစ်ပါစေ



ကျွန်တော်တို့မြန်မာနိုင်ငံတွင် ဆယ့်နှစ်လ(၀ါ)ဆယ့်နှစ်ရာသီ အတွက်အမျိုးသားပွဲတော် ဆယ့်နှစ်မျိုး၊ ဆယ့်နှစ်စား ရှိပါသည်။ ဤဆယ့်နှစ်လရာသီများကို ရည်ရွယ်၍ ဘိုးတော်ဘုရားလက်ထက်အခါက “အမတ်သရေသင်္ခယာ” သည် “သာဓိနပျို့အပုဒ် ၃၀” တွင် “သင်္ကြန်တာကူး(၁)၊ နှစ်ဦးညောင်ရေ(၂)၊ စာပလွေခင်း(၃)၊ ပဉ္စင်းတော်ခံ(၄)၊ စာရေးတံ(၅)နှင့် မြစ်ယံပွဲကြီး(၆)၊ ဆီးမီးထွန်း ချိန်(၇)၊ ကထိန်(၈)၊ နတ်ကျင်း(၉)၊ မြင်းခင်း(၁၀)၊ သဘင်မီးဖုံး(၁၁)၊ ဂူလုံးသဲပုံ(၁၂) စေ့စုံစီလျဉ်၊ ဤသို့ယှဉ်သား၊ လစဉ်စမြဲဆဲ့ နှစ်ပွဲ” ဟုဤကဲ့သို့အကျဉ်းချုပ် ဖွဲ့ဆိုခဲ့ဖူးပါသည်။



“သင်္ကြန်တာကူး တန်ခူးလ- သင်္ကြန်ပွဲတော်”

ယခုလို “ထန်းခူးသောလ၊ တန်ခူးလ” မိဿရာသီတွင် မြန်မာရိုးရာသင်္ကြန်ပွဲတော် (ရေသဘင်ပွဲတော်) ကိုအစဉ်အလာမပျက် ဆင်ယင်ကျင်းပလာကြသည်မှာ ယနေ့တိုင်ထိပင်ဖြစ်ပါသည်။ ရှေးမြန်မာမင်းများလက်ထက်မှစ၍ ယနေ့ထိ ဆင်ယင်ကျင်းပခဲ့သော နှစ်သစ်ကူးအတာရေသဘင်ပွဲတော်ကို မြန်မာရိုးရာသင်္ကြန်ပွဲတော်အဖြစ် ယဉ်ကျေးမှုများ မပျောက်ပျက်သွားစေရန် ထိန်းသိမ်းစောင့်ရှောက်ရမည့်တာဝန်မှာ ကျွန်တော်တို့မြန်မာ တမျိုးသားလုံး၏ မွေးရာပါ သမိုင်းပေးတာဝန်ပင်ဖြစ်ပါသည်။


လွန်ခဲ့သောနှစ်များဆီမှ မြန်မာ့ရိုးရာသင်္ကြန်သည် အတော်လေးသရုပ်ပျက်ခဲ့သလို မြန်မာ့ရိုးရာယဉ်ကျေးမှုများကိုလည်း များစွာ မှေးမြိန်စေခဲ့ပါသည်။ လျှင်မြန်စွာပြောင်းလဲတိုးတက်လာနေသော ခေတ်ကြီးအတွင်းမှာ ခေတ်နဲ့လျော်ညီစွာ ၀တ်စားဆင်ယင် သည်ကိုတော့အပြစ်မဆိုသာပါ။ သို့ပေမယ့် မင်္ဂလာရှိလှတဲ့မြန်မာနှစ်သစ်ကူးအခါသမယ ရိုးရာယဉ်ကျေးမှုအတာသင်္ကြန်အတွင်း မှာဖြင့် “အလွန်အကျွံသရုပ်ပျက်လောက်အောင်” ၀တ်စားဆင်ခြင်း၊ မူးယစ်သောက် စားခြင်းများကိုတော့ မပြုသင့်ပေ။


မိမိတို့ရဲ့ရိုးရာယဉ်ကျေးမှုကို မိမိတို့ကိုယ်တိုင် တန်ဖိုးထားထိန်သိမ်းစောင့်ရှောက်ရမှာပါ။ ယဉ်ကျေးမှုပျောက်ရင် လူမျိုးပါပျောက်သွားမှာပါ။ ဒါကြောင့်မိမိတို့ရဲ့ ရိုးရာယဉ်ကျေးမှုထုံးတမ်းအစဉ်လာအမွေအနှစ် တွေမပျောက်ပျက်သွားစေရန် လက်ဆင့်ကမ်း ထိန်းသိမ်းစောင့်ရှောက်ရမယ့်တာဝန်ဟာ လူသားတိုင်း၊ လူမျိုးတိုင်းရဲ့မွေးရာပါ သမိုင်းပေးတာဝန်တစ်ခုပါ။ မင်္ဂလာရှိလှတဲ့နှစ်သစ်ကူးခြင်း အချိန်အခါသမယကိုကျက်သရေမင်္ဂလာရှိစွာဖြင့် ဖြတ်သန်းပျော်ရွှင်ကြရင်ပိုပြီးတော့ မကောင်းပေဘူးလား ခင်ဗျာ။


ကျွန်တော်တို့ရဲ့ မြန်မာနှစ်သစ်ကူး အတာသင်္ကြန်သည် အင်တန်မှပင်နူးညံ့သိမ်မွေ့လှပါသည်။ ရှေးယခင် ကမြန်မာနှစ်သစ်ကူး ရေသဘင်ပွဲတော် (အတာသင်္ကြန်) များတွင် မြန်မာလူမျိုးများ ယဉ်ကျေးသိမ်မွေ့စွာ နံ့သာရေများဖြင့် တစ်ဦးနှင့်တစ်ဦး သွန်း လောင်းပျော်မြူး ကြပုံကို အင်းဝဘွဲ့ခံ ဆယ့်နှစ်ရာသီလူးတားတွင်- 


တောင်လေ သုတ်ဖြူး၊ 

လတန်ခူးမူ မြူးတူးပျော်ရွှင်၊ 

တာသဘင်ဝယ် ဆင်ယင်တုပ၊ 

လွရ ရွတည့်။ 

ငြိမ့်မျှ စောင်းငြင်း၊ 

အဲ သီချင်းနှင့် ထုံသင်းနံ့သာ၊ 

ရေသီတာဝယ် စမ္ပာကရမက်၊ 

ပန်းပေါင်းဖက်၍ ရွှေခွက်အပြည့်၊ 

မွှေးမျိုးထည့်မှ လည်လှည့်ဆူလှယ်၊ 

တင့်စံပယ်လျက် ပြုံးရယ်ရွှင်အား၊ 

စံပျော်ပါးသည်၊ 

ကစားထုံရေ ဖျန်းထည့်လေ။   


ဟူ၍ဖွဲ့ဆိုရေးစပ်ထားပါသည်။ 

ဤသည်ကို ထောက်ချင့်၍ဆိုရပါမူ ရှေးယခင်ကမြန်မာနှစ်သစ်ကူး ရေသဘင်ပွဲတော် (အတာသင်္ကြန်)များသည် အင်တန်မှပင်နူးညံ့သိမ်မွေ့ယဉ်ကျေးလှပါသည်။ ယနေ့ခေတ် အတာသင်္ကြန်များနှင့်တော့ တော်တော်လေး အနှစ်သာရကွာခြားခဲ့ပါပြီ။ ပြောင်းလဲလာတဲ့ခေတ်ကြီးကိုပဲ ကျွန်တော်တို့ လက်ညိုးထိုးပြီး အပြစ်ပုံလို့မရပါ။ လောကကြီးကို ကျွန်တော်တို့လူသားများကသာ သွားပြီး အရောင်ဆိုးပေးနေကြခြင်းဖြစ်ပါသည်။


ကိုယ့်ရဲ့ရိုးရာယဉ်ကျေးမှုကို ကိုယ်ကမထိန်းသိမ်းတော့ တိုင်းတပါးကယဉ်ကျေးမှုတွေ ကိုယ့်ဆီရောက်လာပြီး ကိုယ့်ရဲ့ကိုယ်ပိုင်ဟန် (ယဉ်ကျေးမှု)တွ ပျောက်ကုန်တဲ့သဘောပါ။ ရေကစား မဏ္ဍပ်အမည်များနှင့် အပြင်အဆင်များတွင်လည်း ယခင်ကလို မြန်မာဆန်ဆန်အမည်များနှင့်  မြန်မာရိုးရာအပြင်အဆင်လက်ရာများ မရှိသလောက်အတော်လေးရှားသွားတာ သတိထားမိပါသည်။


ကျွန်တော်တို့ငယ်ငယ် လွန်ခဲ့သောနှစ်ပေါင်း၂၀ ၀န်းကျင်လောက်က အတာသင်္ကြန်ပွဲတော်များကိုပြန်လည် လွမ်းဆွတ် မိပါသည်။ ရပ်ကွက်တိုင်း အတာသင်္ကြန်ပွဲတော်နီးလာရင်ဖြင့် အပျိုတော်များကသင်္ကြန်အကများ၊ သင်္ကြန်ယိမ်း များ၊ သင်္ကြန်သံချပ်များ ဆိုကြ၊ တိုက်ကြ၊ အကကျင့်ကြနှင့် တော်တော်ပျော်ဖို့ကောင်းလှပါသည်။ ရေကစား မဏ္ဍပ်တွေထိုးဖို့တာဝန်ယူထားကြသော အကိုကာလသားများသည်လည်း သူတို့တာဝန်ကိုကျေပွန်အောင်ဆောင်ရွက် ကြပါသည်။



သူ့ရပ်ကွက်၊ ကိုယ့်ရပ်ကွက် ရေကစားမဏ္ဍပ်များ၊ ဖျော်ဖြေရေးမဏ္ဍပ် (ဧည့်ခံမဏ္ဍပ်) များကို အပြိုင်အဆိုင်ပြု လုပ်ကြပါသည်။ ရပ်ကွက်တွင်းမှ ပန်းချီပညာရှင်များကလည်း မိမိတို့ရဲ့မဏ္ဍပ်များတွင် သင်္ကြန်နဲ့ပတ်သတ်တဲ့ သရုပ်ဖော်ပုံများကို အနုပညာလက်ရာမြောက်စွာဖြင့် သူ့ထက်ငါ အပြိုင်အဆိုင် ရေးဆွဲကြပါသည်။ (မှတ်မိသလောက် အဲဒီတုန်းကအကိုကာလသားများ အရက်သေစာသောက် စားကြခြင်းမရှိပါ)



ရေကစားသူများနဲ့ ရေပက်ခံလာကြသူတွေအားလုံး “ဖရုသ၀ါစာ” (ရုန့်ရင်းကြမ်းတမ်းသော)စကား လုံးများမသုံးကြပေ။ မောင်နှင့် နှမ၊ သားနဲ့အမိ အမြင်မသင့်တော်သော အပြုအမူ၊ အပြောအဆိုများကို အခါသင်္ကြန်အတွင်း မပြုလုပ်ကြပဲရှောင်ကျဉ်ကြသည်မှာ အင်မတန်မှချစ်စရာကောင်း သောအပြုအမူလေး များဖြစ်ပါသည်။ ရေကစားလို့မောပြီးဗိုက်စာလာတဲ့သူများအတွက် လူမျိုးမရွေး၊ ဘာသာမရွေး၊ ရုပ်လတ်အင်္ဂါမရွေး ၀င်ရောက်စားသောက်နိုင်သော စတုဒီသာမဏ္ဍပ်များမှာလည်း ရပ်ကွက်တိုင်း၊ နေရာတိုင်းတွင်ရှိနေပါသည်။ စတုဒီသာမဏ္ဍပ်များမှ အစအနောက်သန်သူများမှ မုန့်လုံးရေပေါ်များတွင် ငရုပ်သီးစိမ်းများ ထည့်ကျွေးခြင်းဖြင့် မျက်နှာစိမ်းဧည့်သည်များ ကိုနောက်ပြောင်ကြသည်မှာ အင်မတန်မှပျော်ဖို့ ကောင်းလှပါသည်။




သင်္ကြန်ကာလအတွင်းရေကစားကြမယ့် ကျွန်တော်တို့လိုကလေးငယ်တွေကိုလည်း လူကြီးမိဘများမှ ဆောင် ရန်၊ ရှောင်ရန်လေးတွေကို သင်ပြဆုံးမပေးကြပါသည်။ ရဟန်းသံဃာတော်များ၊ ဥပုသ်သတင်းသီလဆောက် တည်မယ့် ဥပုသ်သည်များ၊ ကိုယ်ဆောင်မိခင်များနှင့် သက်ကြီးရွယ်အို အဘိုးအဘွားများကို ရေမလောင်းရဘူး၊ “ဖရုသ၀ါစာ” (ရုန့်ရင်းကြမ်းတမ်းသော) စကားများမပြောရဘူး၊ အချင်းချင်းရန်မဖြစ်ရဘူး၊ လူကြီးမိဘတွေကိုလိမ်မပြောရဘူး၊ အဲဒါတွေမလိုက်နာရင် သကြားမင်းကခွေးသရေပုရပိုဒ်မှာ မှတ်သွားလိမ့်မယ်ဆိုတဲ့ ချော့လုံး၊ ခြောက်လုံးတွေနဲ့ သွန်သင်ဆုံးမကြပါသည်။ နှစ်သစ်ကူးအတာသင်္ကြန်ပွဲတော်ကာလများအတွင်း လူကြီးလူငယ်များသည်လည်း လူကြီးလူငယ်များအလျောက်၊ ကလေးငယ်များလည်းကလေးများအလျောက် ကိုယ့်ကိုကိုယ် ထိန်းသိမ်းကြပါသည်။ အခုခေတ်နောက်ပိုင်း အတာသင်္ကြန်များနှင့်တော့တော်တော်လေးကွာဟသွားခဲ့ပါပြီ။



ပြောင်းလဲလာသောခေတ်ရေစီးကြောင်းတွေကြောင့် ရုပ်ဝတ္ထုပိုင်းဆိုင်ရာတွေ တိုးတက်လာတာမှန်ပေမယ့် စိတ်ပိုင်းဆိုင်ရာများက နိမ့်ကျသွားသည် ဟုထင်မိပါသည်။ ယခုခေတ်လူငယ် တော်တော်များများ “ဟိရိသြတ္တပ္ပ” တရားများသိပ်မရှိကြတော့ပေ။ “မရှိ” ဆိုသည်ထက် “ဟိရိသြတ္တပ္ပ”တရားဆိုတာ ဘာကိုဆိုလိုသည်ဟု သူတို့မသိကြပေ။
 

လူမှန်လျှင် “ဟိရိသြတ္တပ္ပ” ဆိုသော အရှက်အကြောက်တရား ကိုနားလည်လက်ကိုင်ကျင့်သုံးရပေမည်။ “ဟိရိသြတ္တပ္ပ” တရားမရှိသောသူသည် အဟိတ်တိရိစ္ဆာန်နဲ့မခြားလှပေ။ အရှက်အကြောက်တရားရှိသောသူသည် လူပုံအလယ် သင်္ကြန်မဏ္ဍပ်များပေါ်တွင် မလုံမခြုံဝတ်ဆင်ကာတိုင်ဖက်ပြီးလည်း မက၀ံ့ပေ။  



အရက်သေစာသောက်စားမူးယစ်ခြင်းသည်လည်း “ဟိရိသြတ္တပ္ပ” တရားကို အလွယ်တကူကင်းမဲ့စေသည့် အကြောင်းရင်းတစ်ခုဖြစ်ပါသည်။ လူငယ်များအနေနှင့် “ဟိရိသြတ္တပ္ပ”တရားများကို မသိခြင်း(၀ါ)မရှိခြင်းသည် လက်ဦးဆရာများနှင့်အုပ်ထိန်းသူ အမိ၊ အဖများတွင် များစွာတာဝန်ရှိသည် ဟုကျွန်တော်ယူဆမိပါသည်။


ကျွန်တော့်တွင်ခေတ်အမြင်မရှိ၊ ရှေးရိုးဆန်သည်ပာုဆိုရင်လည်း ခံရပါမည်။ မြန်မာလူမျိုးပီပီ မြန်မာလူမျိုး များကို မြန်မာ့ယဉ်ကျေးမှုနဲ့အညီ ၀တ်စားဆင်ယင်ပြုမူနေထိုင်ကြတာကို မြင်ချင်မိသလို၊ မင်္ဂလာရှိလှတဲ့ “မြန်မာနှစ်သစ်ကူးအတာသင်္ကြန်ကာလ” အတွင်းမှာလည်း ရိုးရာယဉ်ကျေးမှုတွေကို မထိခိုက်စေပဲ ပျော်ရွှင်စွာဆင်နွဲ ကြစေချင်ပါသည်။ နှစ်သစ်ကူးကာလကို မင်္ဂလာရှိစွာကျော်ဖြတ်ရင်းဖြင့် ရိုးရာယဉ်ကျေးမှုပွဲတော် အမွေအနှစ်များကိုလည်း ထိန်းသိမ်းစေချင်ပါသည်။ ယခင်နှစ်များဆီက သရုပ်ပျက်လွန်းတဲ့ သင်္ကြန်တွင်းအဖြစ်အပျက်များကို အွန်လိုင်းစာမျက်နှာ များပေါ် တွင် မြန်မာလူမျိုးတစ်ယောက် အနေနဲ့ မမြင်ချင်တော့ပါ။

 


ကျွန်တော်တို့မြန်မာလူမျိုးတွေရဲ့ချစ်စရာကောင်းပြီး ကျက်သရေမင်္ဂလာရှိလှတဲ့ “နှစ်သစ်ကူးယဉ်ကျေးမှုအတာသင်္ကြန် ပွဲတော်” များအကြောင်းကို မိမိတို့ရောက်ရှိနေသောတိုင်းပြည်များရှိ နိုင်ငံခြားသားများအကြားတွင် ဒါငါတို့ရဲ့ “မြန်မာနှစ်သစ်ကူးပွဲတော်” ဟူ၍ ဂုဏ်ယူဝင့်ကြွားစွာထုတ်ဖော်ပြောဆိုချင်တာ မြန်မာတစ်ယောက်(ကျွန်တော့်)ရဲ့ ရင်ထဲကဆန္ဒအမှန်ဖြစ်ပါသည်။
 


အတာသင်္ကြန်နှင့်ပတ်သက်၍ နှစ်သစ်ကူးအတာသင်္ကြန်ကာလအတွင်း မပြုအပ်ကောင်းသော ရှောင်ကျဉ်ရန် လေးများ ကိုရှေး စာဆိုများက--  


“မင်္ဂလာစကား၊ လင်္ကာကြားအံ့၊ ကြော်ကြားစုံစေ၊ သင်္ကြန်နေ့၌ မတွေ့ဝေးစွာ၊ ရှောင်ကုန်ရာသား၊ မသာနှလုံး၊ ညှိုးချုံးစိုးရိမ်၊ မငြိမ်ပူဆွေး၊ ငိုကြွေးကုန်ထ၊ ကာမအရှာ၊ မေထု နာနှင့် ပါဏာသတ်ပုတ်၊ သောက်ထုတ်ရက်မ၊ မျက်ထွက်မာန၊ ပဋိယ နှင့်ဒေါသမလွတ်၊ ဆီပွတ်လိမ်းဆင်၊ သစ်ပင်ခုတ်ဖြတ်၊ သတ်ခတ်တုန် ရှောင်၊ အရောင်းအ၀ယ်၊ ဤ တစ်ဆယ်ကို၊ လူ့ဝယ် နတ်ခွင်၊ လူလိုစင် ထား၊ မြင်းမိုရ်ဖျားဝယ်၊သကြားသော်မှ၊ မပြုရရာ၊ ကျမ်းလာသောအား၊ လင်္ကာကြားသည်။ ဤကားသင်္ကြန်အလိုတည်း”

ဟူ၍ရှောင်ကျဉ်ရန် အချက် (၁၀)ချက်ကိုရေးဖွဲ့စပ်ဆိုခဲ့ပါသည်။ အဓိပ္ပာယ်ကား-

(၁) ငိုကြွေးခြင်း၊ ပူဆွေးခြင်း။

(၂) လိင်ဆက်ဆံခြင်း။

(၃) သူတပါးအသက်သတ်ဖြတ်ခြင်း။

(၄) အရက်၊ မူးယစ်ဆေးဝါး သုံးစွဲခြင်း။

(၅) စိတ်ဆိုးခြင်း၊ ခိုက်ရန်ဖြစ်ခြင်း။

(၆) သွေးဖောက်၊ သွေးထုတ်ခြင်း။

(၇) ဆီလိမ်း၊ ဆေးလိမ်းခြင်း။

(၈) သစ်ပင်ခုတ်ဖြတ်ခြင်း၊ ထင်းခုတ်ခြင်း။

(၉) ကုန်ပစ္စည်းဝယ်ယူသိုလှောင်ခြင်း။

(၁၀) ကုန်ပစ္စည်းရောင်းချခြင်း၊ ဆိုင်ထွက်ခြင်း။



တို့ဖြစ်ပါသည်။ “ရှေးထုံးလည်း မပယ်နဲ့၊ ဈေးသုံးလည်း မကြွယ်နဲ့” ဟူသောဆိုရိုးစကားကရှိထားသည်မို့ ရှေးလူကြီးသူ မများ၏ ဆိုဆုံးမစကားများကိုလည်း မပယ်ကောင်းဘူးထင်ပါသည်။ မြန်မာနှစ်သစ်ကူးအခါသမယမှာ သူငယ်ချင်း ညီအကိုမောင်နှမများအားလုံး ကိုယ်စိတ်နှစ်ပါး ရွှင်လန်းအေးချမ်းကြပါစေလို့ ဆုမွန်ကောင်းတောင်းပေးလိုက်ပါ တယ်ခင်ဗျာ။




ရာဇာထွေး

 
 




read more
“ သင့်ရဲ့စကားလေးတစ်ခွန်းက နေ့သစ်တွေအတွက် အားဆေးလေးတစ်ခွက်ပါ”... သူငယ်ချင်း ညီအကိုမောင်နှမများအားလုံးဘ၀ အမောတွေပြေ ကြပါစေခင်ဗျာ...
“ Blog မိတ်ဆွေ၊ သူငယ်ချင်း၊ ညီအကို မောင်နှမများ..”

Color Code ယူရန်: