Thursday, July 19, 2012

ကျွန်တော်နဲ့ ရှင်မတောင်



မြန်မာလူမျိုးများအနေနဲ့ ရှင်မတောင်လို့ဆိုလိုက်တာနဲ့ ကျား/မ မရွေးအရွယ်စုံက သနပ်ခါးလို့သိကြပါတယ်။ အမျိုး သမီးမို့သနပ်ခါးကြိုက်ကြတာမဟုတ်ပါဘူး။ အမျိုးသားများလည်း သနပ်ခါးကြိုက်ကြပါတယ်။ အမျိုးသမီးတွေလို ကိုယ်တိုင်မလိမ်းကြပေမယ့် ရှင်မတောင်သနပ်ခါးရဲ့အနံ့ကိုမကြိုက်တဲ့ အမျိုးသားရယ်လို့ ကျွန်တော်မကြားဖူးခဲ့ပါဘူး။ တချို့အမျိုးသားများဆို ကိုယ်တိုင်လိမ်းကြပါတယ်။ ကျွန်တော်ကိုယ်တိုင်လည်းလိမ်းပါတယ်။ ယောက်ျားလေးသ နပ်ခါးမလိမ်းရဘူးလို့ အမိန့်ထုတ်မထားပေမယ့် လူပျိုအရွယ်ရောက်လာတော့ ရှက်ပြီးအပြင်သွားရင်သာမလိမ်းပေ မယ့်အိမ်မှာနေရင်တော့လိမ်းဖြစ်ပါတယ်။ သင်းပျံ့တဲ့ရနံ့လေးကိုနှစ်သက်မိတာကတစ်ကြောင်း၊ ရှင်မတောင်သနပ်ခါး လိမ်းထားရင် အသားရေလေးလည်းအေးနေတတ်တာမို့ဒီသနပ်ခါးကို ကျွန်တော်ကြိုက်နေမိတာဆိုရင်လည်း မမှားပါ ဘူး။ ကလေးဘ၀ထဲနေယခုအရွယ်ရောက်တဲ့အထိ ရင်းနှီးနှစ်သက်မိနေတာ ဒီရှင်မတောင်သနပ်ခါးပါ။ မှတ်မိ သလောက်အဖွားကနေစလို့ ကြီးတော်၊ အဒေါ်၊ အမေ၊ အမတွေအားလုံးဆီမှာဒီ ရှင်မတောင်သနပ်ခါးနံ့တွေရှိနေခဲ့ပါ တယ်။ ရှင်တောင်သနပ်ခါးနဲ့ပတ်သတ်လို့ ကျွန်တော့်မှာအမှတ်တရပြောစရာတွေလည်းရှိနေပါတယ် ။ နောက်ပြီး ဒီ သနပ်ခါးကို ကြိုက်နှစ်သက်(ချစ်)သလို၊ တော်တော်လည်းကြောက်လန့်သွားခဲ့ဘူးပါတယ်။ ရှင်မတောင်သနပ်ခါးတုံး ကိုဘယ်အချိန်၊ ဘယ်နေရာမှာဘဲတွေ့လိုက်၊ တွေ့လိုက်တစ်ယောက်သောသူရဲ့မျက်နှာကိုကွက်ကနဲမြင်လိုက်ပြီး မေ့ မရဖြစ်နေမိခဲ့တာဟာလည်း အခုချိန်အထိပါ။



အရွယ်လေးရောက်လာလို့ ရည်းစားသညာထားတတ်တဲ့အချိန်မှာလည်း သနပ်ခါးချစ်တဲ့ကျွန်တော်နဲ့ သနပ်ခါးကြိုက် တဲ့မမတို့ မေတ္တာမျှခဲ့ကြပါတယ်။ ရှင်မတောင်သနပ်ခါးချင်းတူပေမယ့် ချစ်သူပါးကသနပ်ခါးရနံ့လေးက ကျွန်တော့်အ တွက်ပိုလို့မွှေးပါတယ်လို့ပြောရင် ရာဇာတို့တော့တယ်ပြီးပိုတယ်လို့ ထင်ချင်ထင်မှာပါ။ အဲဒီလိုပိုပြီးမွှေးတဲ့သနပ်ခါး ဟာ တစ်ချိန်မှာကျွန်တော့်ကိုဘယ်လိုကြောက်လန့်သွားအောင် ဒုက္ခပေးမယ်ဆိုတာ အဲဒီချိန်ကတွေးတောင်မကြည့်မိ ခဲ့ပါဘူး။



“ရာဇာ..မမတို့လက်ထပ်ဖို့ကိစ္စကို မမအမတွေအားလုံးကိုပြောပြီးပြီ..သူတို့အားလုံးသဘောတူတယ်တဲ့..ရာဇာမပျော် ဘူးလား” ကြားလိုက်ရတဲ့မမရဲ့စကားသံကြောင့် ကျွန်တော်နားကြားများမှားသွားသလား လို့ပြန်မေးကြည့်လိုက်တော့ ကျွန်တော်ကြားတာမမှားပါဘူး။  တစ်ယောက်နဲ့ တစ်ယောက်မေတ္တာမျှနေကြတာ သက်တမ်းအားဖြင့်လေးနှစ်ကျော် လို့ငါးနှစ်ထဲတောင်ရောက်နေပါပြီ။ ကျွန်တော့်အနေနဲ့ လက်ထပ်ကြရအောင်မမရာလို့ပြောလိုက်တိုင်း အသက် ၇၀အ ရွယ်မမရဲ့မိခင်ကြီး (အဖွား)ကိုငဲ့နေရတာမို့ ကျွန်တော်တို့နှစ်ယောက်ရွှေလက်မတွဲနိုင်သေးဘဲ အခုလိုချစ်သူဘ၀နဲ့အ ကြာကြီးနေခဲ့ရတာပါ။ အခုလိုမမျှော်လင့်ပဲ ကြားလိုက်ရတဲ့စကားကြောင့် ကျွန်တော်မပျော်ပဲနေနိုင်ပါ့မလားခင်ဗျာ။



“တကယ်ပြောတာလားမမ…ဒါဖြင့်အဖွား (မမရဲ့အမေကိုကျွန်တော်အဖွားလို့ခေါ်ပါတယ်)ကို ဘယ်သူပြောမှာလည်း” လို့ကျွန်တော်မေးလိုက်တော့“မမကြီးတို့ပြောတာတော့ အမေ့ကိုအသိမပေးဘူးတဲ့ရာဇာ.. မမလည်းသေချာမသိသေး ဘူး..မမလတ်ကဒီအပတ်အလုပ်ပိတ်ရက် မမတို့၂ယောက်စလုံးသူ့အိမ်လာရမယ်တဲ့ ”မမရဲ့အဖြေကြောင့် ကျွန်တော် နားသိပ်မရှင်းပါ။ မမကိုယ်တိုင်လည်းဘာမှမသိသေးတာမို့ ကျွန်တော်လည်းဘာမှထပ်မမေးပဲ ရေငုံနှုတ်ပိတ်နေလိုက် ပါတယ်။ သမီးဖြစ်တဲ့မမနဲ့ပတ်သတ်ပြီး အဖွားရဲ့သဘောထားကို ကျွန်တော်သိထားပြီးသားမို့ လက်ထပ်ဖို့ကိစ္စ ဒီလောက် လွယ်လိမ့်မယ်လို့ ကျွန်တော်မထင်ထားပါဘူး။ မမတို့အိမ်နဲ့ ကျွန်တော်တို့နေတဲ့အ်ိမ် တစ်အိမ်ကျော်ခြေ ရင်းခေါင်းရင်းမို့ သားအမိနှစ်ယောက်ထဲနေတဲ့မမတို့အိမ် ဟာကျွန်တော့်အတွက်တော့ စားအိမ်၊ သောက်အိမ်၊ မိသား စုအိမ်လိုဖြစ်နေတာပါ။ သားယောက်ျားလေးမရှိတဲ့အဖွားဟာ ကျွန်တော့်အပေါ်သားတစ်ယောက်လိုချစ်ခင်သလို မမ ကလည်းကျွန်တော့်အပေါ် မောင်တစ်ယောက်လိုသံယောဇဉ်တွယ်ရင်း အကြင်နာပိုကာချစ်သူဘ၀ကိုရောက်ခဲ့ကြတာ ပါ။ မမအထက်မှာရှိတဲ့အမတွေ ၄ ယောက်စလုံး အိမ်ထောင်တွေကျသွားပြီး အားလုံးအိမ်ထောင်တွေခွဲသွားကြတာမို့ အငယ်ဆုံးဖြစ်တဲ့မမတစ်ယောက်သာ အမေအိုကြီးနဲ့အတူနေပြီးအပျိုကြီးဘ၀ရောက်နေတာပါ။ မမသာအိမ်ထောင်ပြု သွားရင် အရင်သမီးတွေလိုပဲသူ့ကိုထားပြီးထွက်သွားကျမှာပဲဆိုတဲ့ အရွယ်အိုလူကြီးတစ်ယောက်ရဲ့ စိုးရိမ်စိတ်ကြောင့် သူ့သမီးဖြစ်တဲ့မမကို “အမေသေမှအိမ်ထောင်ပြုပါ” ဆိုတဲ့အဖွားရဲ့ တယူသန်အမိန့်ကြောင့် ကျွန်တော်နဲ့မမရဲ့ဇာတ် လမ်းလည်း ရှေ့လည်းမတိုးသာ၊ နောက်လည်းမဆုတ်သာဖြစ်နေခဲ့တာကြာပါပြီ။ 



ကျွန်တော်တို့နှစ်ယောက်အခုလိုမေတ္တာမျှနေကြတာကို နှစ်ဖက်ဆွေမျိုး၊ ညီအကိုမောင်နှမတွေအားလုံးသိထား၊ လက် ခံထား၊ သဘောတူထားကြပေမယ့် အဖွားတစ်ယောက်ထဲကိုသာ ကျွန်တော်တို့ကိစ္စကိုပြောလို့၊ အသိပေးလို့မရတာ ပါ။ သူ့သမီးကိုအိမ်ထောင်ပြုဖို့ပြောတဲ့သူ သူ့ရန်သူလို့သတ်မှတ်ထားတာမို့ ဘယ်သူမှလေသံတောင်မဟရဲ ကြပါဘူး (စိတ်မထင်ရင်အိမ်ထောင်သည်သမီးများနဲ့ သားမက်များကိုကြိမ်လုံးနဲ့ရိုက်တာ ကိုယ်တိုင်မြင်ဖူးပါသည်)။ စိတ်လည်း အတော်လေးဆတ်ပါသည်။ စိတ်ဆောင်လို့လားမသိ အသက်၇၀ ၀န်းကျင်ပါလို့ မထင်ရလောက်အောင်ကျန်းမာရေး ကဒေါင်ဒေါင်မြည်ပါသည်။ ဒါပေမယ့်အဖွားက ကျွန်တော့်ကိုတော်တော်လေးချစ်ပါသည်။ ကျွန်တော်ကြိုက်တတ်တဲ့ ၀က်သားအချိုချက်နဲ့ ဂွေးတောက်ရွက်ဟင်းချိုကို ခဏခဏကိုယ်တိုင် ချက်ကျွေးတတ်ပါသည်။ ကျွန်တော်လည်းအ လုပ်နားရက်တွေမှာဆိုရင် ကိုယ့်အိမ်မှာနေတဲ့အချိန်ထက် မမတို့အိမ်မှာနေတဲ့အချိန်ကပိုများပါသည်။ မိန်းမသားတွေ မို့ယောက်ျားတွေလုပ်ရမယ့်အလုပ်မှန်သမျှ ကျွန်တော်အကုန်လုပ်ပေးသလို၊ အဖွားလိမ်းဖို့အတွက် ရှင်မတောင်သနပ် ခါးကိုနေ့တိုင်းသွေးသွေးပေးနေလို့ မမတို့အိမ်မှာကျွန်တော်ဟာအဖွားရဲ့ အချစ်တော်ဖြစ်နေခြင်းပါ (ရာဇာတို့စည်း ရုံးရေးကောင်းတယ်လို့မထင်နဲ့နော်..မိသားစုဘ၀လေးဆုံးရှုံးနေတဲ့ကျွန်တော် ချစ်သူမမတို့အိမ်မှာ ကိုယ့်ရဲ့မိသားစုဘ ၀လေးကိုပြန် ရနေရသလိုခံစားရတာကတစ်ကြောင်း၊ မမရဲ့မိခင်ကိုကျွန်တော့်ရဲ့ အဖွားအရင်းလိုသဘေားထားမိပြီး စိတ်စေတနာသန့်သန့်နဲ့ လုပ်ပေးခဲ့တာပါ..စေတနာမှန်တော့လည်းအကျိုးပေးလည်း ထူးပါတယ် :D)။ 



တခါတလေကျွန်တော်အဖွားနဲ့ စကားစပ်မိတိုင်းနောက်သလို၊ ပြောင်သလိုနဲ့ “အဖွား…အမကိုယောက်ျားပေးစားလိုက် ပါလား” လို့စကားစကြည့်လိုက်မိတိုင်း “ ရာဇာရေ….အဖွား ကိုအတ္တကြီးတယ် ဘဲပြောပြော၊ တရားမရှိဘူးလို့ပဲဆိုချင် ဆိုနင့်အမကို အဖွားသေမှပဲအိမ်ထောင်ပြုခွင့်ပေးမယ်လို့ အပြတ်ပြောထားပြီးသား.. ဒါကိုမှသူမနေနိုင်လို့ယောက်ျား ယူချင်ရင် အဖွားကိုအရင်သေအောင်သတ်သွား လို့ပြောထားတယ်” ကျွန်တော်မေးလိုက်တိုင်းအဖွားရဲ့ အဖြေကဒါပါ ဘဲ။ အဲဒါကြောင့်ကျွန်တော်ရောမမပါ အရွယ်လွန်နေတဲ့အိုကြီး၊ အိုမ၊ မိခင်ကြီးကိုစိတ်မဆင်းရဲစေချင်တာကြောင့် ကျွန်တော်တို့နှစ်ယောက် ရှေ့ဆက်မတိုးပဲအဖွားလက်ခံလာတဲ့အထိ စိတ်ရှည်ရှည်နဲ့စောင့်ကြရင်း အခုလိုအကြာကြီး ချစ်သူဘ၀နဲ့အချိန်ကုန်ခဲ့ရတာပါ။ ကျွန်တော်တို့ချင်းအခုလိုချစ်သူဘ၀ရောက်နေတာကို ငယ်ရာကနေကြီးလာတဲ့ သမီး၅ယောက်ရဲ့ မိခင်(အဖွား)မသိပဲဘယ်နေပါ့မလည်းခင်ဗျာ။ အင်း…ပုဂံရာဇ၀င်ဇာတ်လမ်းထဲက ကိုဗျတ္တကိုတော့ နံနက်တိုင်းပန်းဆက်သရတဲ့အတွက် ပန်းဆက်သမားလို့ဆိုရင် ကိုယ့်ချစ်သူမမနဲ့ အဖွားအတွက်နေ့တိုင်း ရှင်မတောင် သနပ်ခါးသွေးပြီး သနပ်ခါးရည်ဆက်သခဲ့တဲ့ ကျွန်တော့်ကိုယ်ကျွန်တော်လည်း သနပ်ခါးဆက်သမားလို့တောင်ဆိုရမ လိုဖြစ်နေပါပြီ။ ရှင်မတောင်သနပ်ခါးနဲ့ပတ်သတ်လို့ ကျွန်တော့်အတွက် အမှတ်ရစရာလေးတွေပေါ့ခင်ဗျာ။



ကျွန်တော်ရောမမပါတနင်္ဂနွေနေ့ အလုပ်ပိတ်ရက်မို့ရှစ်မိုင်မှာရှိတဲ့မမရဲ့ အမလတ်နေတဲ့တိုက်ခန်းကို အလည်ထွက် ခဲ့ပါတယ်။ မမလတ်တို့တိုက်ခန်းကို ကျွန်တော်တို့ရောက်ပြီးမကြာခင်မှာဘဲကျန်တဲ့မမရဲ့ အမသုံးယောက်အပြင် ကျွန်တော်နဲ့အတူနေတဲ့ အမ၀မ်းကွဲလင်မယားပါရောက်လာပါတယ်။ နောက်မှသိရတာက အားလုံးကိုသူတို့ချိန်း လိုက်ပြီးမှ ကျွန်တော်တို့နှစ်ယောက်ကို ခေါ်လိုက်တာပါ။ အဓိက ကတော့ကျွန်တော်နဲ့ မမတို့လက်ထပ်ဖို့ကိစ္စကို သူ တို့အမေ မသိရအောင်တိုင်ပင်ကြတာပါ။ ဘာလို့အခုလိုသူတို့အလောသုံးဆယ်လုပ်ကြတာလည်းဆိုတာ အဲဒီတုန်းက ကျွန်တော်သေသေချာချာ သတိမထားမိသေးပါဘူး။ အဲဒီအချိန်ကကျွန်တော်လည်း ကျွန်တော်တို့နှစ်ယောက်ဘ ၀ရှေ့ရေးအတွက်ပြည်ပထွက်အလုပ်လုပ်ဖို့ အားလုံးစီစဉ်ဆောင်ရွက်ထားပြီးပြည်ပက အလုပ်ခေါ်စာကိုစောင့်နေတဲ့ အချိန်ဆိုရင်လည်းမမှားပါဘူး (ကျွန်တော်ပြည်ပကိုမထွက်သွားခင်အချိန်မှာ နှစ်ဖက်ညီအကိုမောင်နှမတွေအားလုံးက ကျွန်တော်တို့နှစ်ယောက်ကို လက်ထပ်ပြီးသားဖြစ်စေချင်လို့အခုလိုတက်သုတ်ရိုက်စီစဉ်လိုက်တယ် ဆိုတာနောက် ပိုင်းမှာသိခဲ့ရပါတယ်)



ဘာပဲဖြစ်ဖြစ်ကျွန်တော်ရာဇာတစ်ယောက် အိုရတော့မယ်ပေါ့။ အိုရချည့်သေးရဲ့ဆိုပြီး စိတ်ကူးနဲ့ပျော်မလို့ပြင်နေတုန်း ရှိသေး မင်္ဂလာဆောင်အပြီးဆောင်ရန်၊ ရှောင်ရန်စည်းကမ်းချက်များကို နှစ်ဖက်အမတွေအားလုံးကထုတ်ပြန်ပါတယ် ။ သူတို့ပြောတာကိုလက်ခံရင်အခုစီအစဉ်ကို အကောင်အထည်ဖော်မယ်တဲ့ခင်ဗျာ။ ခဲလေသမျှတော့သဲရေကျပဲဗျို့။ ကဲ..ကျွန်တော်မောင်ရာဇာ တစ်ယောက်ကံကောင်းလို့ထီပေါက်ပါတယ်၊ ထီ ပေါက်ပြီးထီလက်မှတ်ပျောက် တဲ့အဖြစ် မျိုးပါ။ အစီစဉ်အရ ကျွန်တော်တို့နှစ်ယောက်ကိုသူတို့အမေ မသိရအောင်တရားဝင်လက်ထပ်ပေး ထားမယ်တဲ့၊ အဲဒီ လိုလက်ထပ်ပြီးသွားရင်သူတို့အမေ မသိအောင်ဟန်မပျက်ကိုယ့်အိမ်မှာ ကိုယ်နေရမယ်၊ ကျွန်တော်ပြည်ပကပြန် မရောက်မချင်း လင်လို၊ မယားလိုမနေရဘူးတဲ့ဗျာ..အဲဒီလိုမကြားဖူးတဲ့စည်းကမ်းချက်တွေနဲ့အချည်ခံရလို့ ကျွန်တော် ထီလက်မှတ်ပျောက်တဲ့အဖြစ်မျိုးနဲ့ကြုံ ရတယ်လို့ဆိုတာပါ။ ကျွန်တော်လည်းပြည်ပထွက်ဖို့ ၃ လလောက်စောင့်ရ မယ်ဆိုတာလေးသိထားလို့ မသွားခင်အဆင်ပြေနိုင်ကောင်းပါရဲ့လေ၊ ဘာပဲဖြစ်ဖြစ်လက်ခံထားလိုက်မယ်၊ နောက်မှ မီးစင်ကြည့်ကမယ်ပေါ့၊ သူတို့ထုတ်ထားတဲ့ မတော်၊ မတရား စည်းကမ်းချက်တွေကိုမကြိုက်ပေမယ့် “ခရုမှာလည်းအ ဆံနဲ့ ရာဇာ့မှာလည်းအကြံနဲ့” ဆိုသလိုပေါ့.. ကိုယ်လည်း ကိုယ့်အကြံနဲ့ကိုယ်မို့ အိုရချည်သေးရဲ့ဆိုပြီးလက်ခံလိုက်ပါ တယ်။(နောက်မှမီးစင်ကြည့်ကမယ်ဆိုတဲ့အလုပ်က သိပ်တော့မကောင်းဘူးဗျာ။ အင်းကံများမကောင်းချင်ရင်ဘာလုပ် လုပ်အဆင်မပြေဘူးနော်.. ရာဇာတို့တော့ကိုယ်တွေ့ဗျာ..ကိုယ်တွေ့)



ကျွန်တော်လည်း အခါတော်ပေးအမတွေနဲ့အတူ မင်္ဂလာကိစ္စအတွက်အားလုံးကိုတက်သုတ်ရိုက် စီစဉ်ရပါတော့တယ် ။ နေ့ကောင်းရက်သာရွေး၊ ဖိတ်စာရိုက်၊ မင်္ဂလာဆွမ်းကျွေးကိုထောက်ကြန့်မှာရှိတဲ့ ရွှေကျီးသာပရိယတ္တိစာသင်တိုက် မှာပြုလုပ်ဖို့ရွေးချယ်ခဲ့ပါတယ်။ ဖိတ်စာလိုက်ဝေတဲ့အလုပ်ကို အမတွေအားလုံးကသိုသိုသိပ်သိပ်လုပ်ပေးပြီး မင်္ဂလာ ကိစ္စကိုသူတို့ အမေ(အဖွား)မသိရအောင်ဆောင်ရွက်ပေးကြပါတယ်။ အစီစဉ်အတိုင်းကြာသပတေးနေ့ မနက်၁၀နာရီ မှာမင်္ဂလာဒုံမြို့နယ်တရားရုံးတွင် နှစ်ဖက်အုပ်ထိန်းသူအမများနဲ့အတူ မင်္ဂလာလက်ထပ်စာချုပ်မှာ လက်မှတ်ရေးထိုးပါ တယ်(အဲဒီနေ့ကကျွန်တော်နဲ့ချစ်သူမမ အလုပ်ကနေနေ့ဝက်ခွင့်ယူပြီး တရားရုံးသွားရတာပါခင်ဗျာ)။ မင်္ဂလာ ဆွမ်းကျွေး ရက်အဖြစ်သတ်မှတ်ထားတဲ့ တနင်္ဂနွေနေ့ မနက်မှာတော့ အလှူသွားစရာရှိတယ်ဆိုပြီး အဖွားကုိုလိမ်ပြော ကာ ကျွန်တော်တို့နှစ်ယောက် မင်္ဂလာဆွမ်းကျွေးကို အရောက်သွားခဲ့ရပါတယ်(အဲဒီနေ့က သတို့သားကျွန်တော်တိုက် ပုံလည်း မ၀တ်နိုင်ခဲ့သလို၊ သတို့သမီးဖြစ်တဲ့မမလည်း အိမ်ကထွက်လာတဲ့အတိုင်း ရှင်မတောင်သနပ်ခါးဘဲကြားနဲ့ ပါတိတ်ပန်းရောင်ဝမ်းဆက်လေး နဲ့သာနှစ်ယောက်သားဧည့်ခံပွဲကိုပျော်ရွှင် စွာကျင်းပခဲ့ကြပါတယ်)။ 



မင်္ဂလာဆွမ်းကျွေးကို ဖိတ်ထားတဲ့ရပ်မိ၊ ရပ်ဖတွေနဲ့ ဆွေမျိုးသူငယ်ချင်းတွေအားလုံးက ကျွန်တော်တို့အကြောင်း ကို အားလုံးသိထားကြပြီးသားမို့ ကျွန်တော်တို့ရဲ့မင်္ဂလာဆွမ်းကျွေးလေးဟာလည်း ဘာပြဿနာမရှိပဲ စိုစိုပြည်ပြည်နဲ့ပြီး ဆုံးခဲ့ပါတယ်။ အားလုံးကိုလက်ဖွဲ့ခြင်းသည်းခံပါလို့ ဖိတ်စာမှာရေးထားပေမယ့် အတင်းလက်ဖွဲ့သွားတဲ့မိတ်ဆွေတွေ ရဲ့လက်ဖွဲ့ပစ္စည်းများကို ရှစ်မိုင်ကအမအိမ်မှာအရင်သွားပို့ထားပြီးမှ ကျွန်တော်တို့နှစ်ယောက်အိမ်ပြန်ကြတော့ ညနေတောင် အတော်စောင်းနေပါပြီ။ နှစ်ယောက်စလုံးစိတ်ပန်း၊ လူပန်းမို့ သတို့သမီးအသစ်လေးကို သူ့အိမ်ကိုအ ရင်ပို့ရင်း အဖွားကိုတွေ့လို့ “အဖွားရေမ၀င်တော့ဘူး….ရေမိုးချိုးပြီးမှလာတော့မယ်နော်” လို့ပြောပြီးကျွန်တော်လည်း အိမ်ပြန် ခဏနားရေချိုး၊ ထမင်းစားနဲ့မို့ည၇ နာ ရီလောက်ဖြစ်သွားပါတယ်။ “ ကိုကြီးရာဇာရေ ဖုန်းလာနေတယ် …နေ့ လည်လောက်ကလည်းခေါ်သေးတယ်.. ကိုကြီးတို့မရှိဘူး.. မှာစရာရှိတာမှာခဲ့ပါလို့.. ကျွန်တော်ပြောတော့ ကိုကြီးပြန် လာရင်သာပြန်ဆက်ခိုင်းလိုက်ပါတဲ့…အဲဒါပဲပြောသွားတယ်.. ကိုငြိမ်းချမ်းလို့ပြောရင်ကိုကြီး သိတယ်လို့သူပြောတယ်” လမ်းထိပ်ဖုန်းအိမ်မှ ကျော်ကျော်လာပြောလို့ ကျွန်တော်လည်း “အေးအေးညီလေးကျော်ကျော်ရေ အခုပဲအကိုလိုက် ခဲ့မယ်” လို့ပြန်ပြောပြီး ဖုန်းဆက်ဖို့လိုက်သွားလိုက်ပါတယ်။ မသွားလို့လည်းမရပါဘူး…ပြည်ပသွားမယ့်အလုပ်ကိစ္စကို တာဝန်ယူထားပေး တဲ့သူမို့ဘာအကြောင်းထူးရှိလည်း သိချင်တာမို့သွားလိုက်တာပါ။ အင်းလောလောလတ်လတ် မင်္ဂ လာဆောင်ထားခဲ့တဲ့ ချစ်သူ(ဇနီး)မမတော့ဒီအချိန်ဆိုမျှော်နေရောပေါ့။ ကျွန်တော်ရေချိုးပြီးရင်လာမယ် လို့ပြောခဲ့ တာကိုး။



“ဟလိုဟုတ်ကဲ့..ကိုငြိမ်းချမ်း..ကျွန်တော်ရာဇာထွေးပါ.. အကိုနေ့လည်ကဖုန်းဆက်တယ်ဆို.. ကျွန်တော်ဒီနေ့ အပြင် သွားနေလို့ဗျာ.. အခုမှပြန်ရောက်တယ်…ဘာထူးလို့လည်းအကို” လို့ကျွန်တော်မေးလိုက်တော့ “ဟာကိုရာဇာရေ… ခင်ဗျားဝမ်းသာပေတော့ဗျာ… ကိုရာဇာသဘက်ခါသွား ရဖို့လေယာဉ်လက်မှတ် နဲ့စာရွက်စာတမ်းတွေအားလုံးရပြီ… အဲဒါတွေကိုလာယူလို့ရအောင်လှမ်းပြောတာပါ… ကျွန်တော်ထင်တာ ကိုရာဇာတို့နောက် ၂ လလောက်ကြာမှထွက် ရမယ်ထင်နေတာ…ကျွန်တော်လည်းမနက်ကမှ ဖက်(စ်)ရတယ်… မနက်ဖန်ကျွန်တော့်ရုံးခန်းကို ၉ နာရီလောက်လာ ယူဗျာ” ဆိုပြီးဖုန်းချသွားပါတယ်။ သူကတော့ ၀မ်းသာစရာသတင်းကို လှမ်းပြောတာပါပဲ… ကျွန်တော့်အတွက်တော့ နားထဲသံရည်ပူလောင်းချခံလိုက်ရသလို ဘာပြောလို့ပြောရမှန်းကိုမသိပဲ ဖုန်းကိုကိုင်ပြီးငိုင်နေမိပါတယ်။(ကံမကောင်း လိုက်ပုံများပြောပါတယ်။ ကြာမယ်လို့ထင်ထားတဲ့အလုပ်တစ်ခုချက်ချင်းရလာတာကိုအဲဒီအချိန်မှာ ကျွန်တော်ဝမ်းသာ ရမှာလား၊ ၀မ်းနည်းရမှာ လားခင်ဗျာ)



တဖက်ကဖုန်းကျသွားပြီမို့ စိတ်ညစ်ညစ်နဲ့ဘာလုပ်ရမှန်းမသိပဲ မင်္ဂလာဒုံကမမရဲ့ အမအကြီးဆုံးဆီဖုန်းဆက် အကြောင်းကြားလိုက်သလို ရှစ်မိုင်ကမမလတ်ကိုလည်း လှမ်းပြီးအသိပေးလိုက်ပါတယ်။ အခါတော်ပေး မမကြီးနဲ့ မမ လတ်တို့ကခုည ကျွန်တော်တို့ဆီလာတွေ့မယ်စောင့်နေတဲ့။ ကျွန်တော်လည်းဖုန်းပြောခ ကျသင့်ငွေရှင်းပေးပြီးအိမ် ကိုပြန် ကျွန်တော့်အမ၀မ်းကွဲဖြစ်တဲ့မမလှိုင်နဲ့ သူ့အမျိုးသားအကိုတင်ကိုတို့ကို အကျိုးအကြောင်းပြောလိုက်ပါတယ်။ ကျွန်တော်နေတာ ဒီအမ၀မ်းကွဲလင်မယားနဲ့ပါ။ ကျွန်တော့်မိဘတွေဆိုရင် လည်းမမှားပါဘူး။ “ဟယ်…မောင်လေး.. နင့်ဟာကလည်းဆိုင်းမဆင့်ဗုံမဆင့်ပါလားဟ..ဒီအကြောင်းကို မိသန့်လေး(ချစ်သူမမကိုသူတို့အားလုံး မိသန့်လို့ခေါ် ပါတယ်) သိပြီးပြီလား..အင်းကြား ရင်စိတ်မကောင်းအတော်ဖြစ်မှာ” အခုလိုမမလှိုင်ပြောမှကျွန်တော်လည်း ငိုရမလို ရီရမလိုဖြစ်လာပါတယ်။ ဒါကိုရိပ်မိတဲ့အကိုက “အာ..ဘာမှစိတ်မကောင်းဖြစ်မနေနဲ့ညီလေး..သွားစရာရှိတာကိုသာ စိတ်ဖြောင့်ဖြောင့်နဲ့သွား..မိသန့်လေးအတွက်ဘာမှမပူနဲ့..အကိုတို့လည်းသူ့အမေကိုဝိုင်းပြီးနားချပေးထားမယ်..ညီလေး ဟိုမှာနှစ်စေ့လို့ပြန်လာရင် အားလုံးအဆင်ပြေစေရမယ်..ဟုတ်ပြီးလား.. ကဲမိသန့်လေးမသိသေးရင် သွားပြောလိုက် အုန်း..သူ့အမေကိုလည်းပြောခဲ့ပေါ့..နောက်နေ့သွားရမယ်ဆိုတာကို..တော်သေးတာပေါ့ကွာ လက်ထပ်ပြီး၊ မင်္ဂလာ ဆွမ်းကျွေးလေးလုပ်တာပြီးသွားလို့..ညီလေးတို့မိသန့်လေး တို့ကိုအကိုတို့အားလုံးအမြန်နေရာချထားပေးချင်ပေမယ့် သူတို့အမေကြောင့်အခက်တွေ့နေတာ..နောက်ပြီးညီလေးလည်းပြည်ပမှာ တစ်ယောက်ထဲနေတဲ့အခါ မဖြစ်သင့်တာ မဖြစ်ရအောင် အထိန်းအကွပ်လေးဖြစ်နေအောင်လို့ အကိုတို့အားလုံးညီလေးနဲ့ မိသန့်လေးကိုလက်ထပ်ပေးထား လိုက်တာပဲညီလေး.. အခုညီလေးအနေနဲ့ လူပျိုလူလွတ်မဟုတ်တော့ဘူးနော်.. အိမ်ထောင်ရှင်တစ်ယောက်ဖြစ်နေပြီ ..ညီလေးမှာမိသန့်လေးရှိနေပြီ.. ဒါတွေကိုခေါင်းထဲထည့်ထားဟုတ်ပြီလား” 



အကိုရဲ့ဆုံးမစကားတွေနားထောင်ပြီး ကျွန်တော်မမတို့အိမ်ဖက်ထွက်လာတော့ ည၉နာရီဝန်းကျင်ပေါ့။ မီးပျက်ရက်မို့ တလမ်းလုံးမှောင်နေပြီး အိမ်တွေအားလုံးလည်းဖယောင်တိုင်မီး မှိန်တုတ်တုတ်လေးတွေပဲလင်းနေကြတာပါ။ တချို့ အိမ်အနည်းငယ်မှာတော့ အင်ဗက်တာသုံးတာမို့ အလင်းရောင်ကောင်းကောင်းရှိနေပါတယ်။ ကျွန်တော်မမ တို့ခြံရှေ့ရောက်တော့ ဘုရားစင်မှာဆီမီးပူဇော်ထားတဲ့ ဖယောင်းတိုင်မီးအလင်းရောင်သာတွေ့ပြီး ခါတိုင်းအင်ဗက် တာနဲ့တွဲသုံးတဲ့၂ ပေမီးချောင်းရဲ့အလင်းရောင်ကိုမတွေ့လို့ မီးချောင်းများကျွမ်းနေသလားဆိုပြီး ကျွန်တော်အိမ်ထဲကို တန်းဝင်သွားလိုက်ပါတယ်။ ခြံတံခါးဖွင့်ထားပြီးအိမ်မကြီးတံခါးသာအတွင်းကဂျက်ထိုးထားလို့ အဖွားတို့မအိပ်သေးဘူး ဆိုတာကျွန်တော်သိပါတယ်။ “အဖွားရေ..အဖွား…ကျွန်တော်ရာဇာ ပါတံခါးဖွင့်ပါအုန်း” ကျွန်တော်အသံပြုပေမယ့် အထဲကနေအသံပြန်ထွက်မလာပါဘူး။ ကျွန်တော်လည်းထုံးစံအတိုင်း မလွယ်ပေါက်ကနေ လက်လျှိုနှိုက်လို့အတွင်း ကဂျက်ကိုဖြုတ်ပြီး အိမ်တွင်းကိုဝင်လိုက်ပါတယ်။ အိမ်ရှေ့မှာလူမရှိတာမို့ နောက်ဖေးမှာထမင်းများစားနေသလားလို့ သွား အကြည့်မှာတော့....



“ကဲဟာ…ကဲဟာ…မှတ်ပီလား” ဆိုတဲ့အဖွားရဲ့ ဒေါသံ၊

“အောင်မလေးသေပါပြီဗျာ” ဆိုတဲ့ကျွန်တော့်ရဲ့ကြောက်လန့်တကြားနာကျင်ငြီးတွားသံ၊

“ဟယ်..အမေမလုပ်နဲ့လေ…အဲဒါရာဇာ” ဆိုတဲ့ချစ်သူမမရဲ့ စိုးရိမ်ထိပ်လန့်တကြီးတားနေတဲ့ အသံတွေ 



အားလုံးဟာတပြိုင်နက်ထဲထွက်ပေါ်လာပြီး တိတ်ဆိတ်နေတဲ့အမှောင်ညကိုလှုတ်နိုးလိုက်သလို ပတ်ဝန်းကျင်မှာပါ ဆူညံကုန်ပါတယ်။ ညာဖက်ဂျိုစောင်းကို မာကျောတဲ့အရာနဲ့ချက်ကောင်း အထုခံလိုက်ရတဲ့ ကျွန်တော်လည်းအိမ် ကြမ်းပြင်ထက်မှာပုံလျှက်သား ကြယ်တွေ၊ လတွေကိုရေတွက်နေမိပါပြီ။ အိမ်ထဲကဆူညံသံတွေကြောင့် ဘေးအိမ်မှ လူများ၊ အိမ်ရှေ့မျက်နှာချင်းဆိုင်မှ ရာအိမ်မှူး ဦးကံတို့လင်မယားတွေအပြင် ကျွန်တော့်အမလင်မယားတွေပါ အဖွား တို့အိမ်ကိုရောက်လာပါတယ်။ တအိမ်လုံးမှာ ဘုရားစင်မှဖယောင်း တိုင်မီးအလင်းရောင်သာရှိသလို အရိုက်ခံရတဲ့ ကျွန်တော်လည်း ရီရီဝေေ၀နဲ့မို့အားလုံးကို အမြင်မရှင်းသေးပါဘူး။ လူတွေရောက်လာတဲ့အချိန် ကျွန်တော်လည်း လဲနေရာမှအသာထထိုင်ရင်း အနီးမှာရှိနေတဲ့ခုန ကျွန်တော်အရိုက်ခံလိုက်ရတဲ့အရာကိုတွေ့လို့ ဘာရယ်မဟုတ်ပဲ လက်နဲ့အသာ ကောက်ကိုင်ထားလိုက်မိပါတယ်။ အဲဒီအချိန်မှာဘယ်သူက အင်ဗက်တာမီးကိုကောက်ပြီးထွန်းလိုက် တယ်မသိ မီးချောင်းရဲ့အလင်းရောင်အောက်မှာ မျောက်ပွဲထဲကမျောက်ကိုလူဝိုင်းကြည့်သလို ကျွန်တော့်ကိုအားလုံး ၀ိုင်းကြည့်နေကြပါပြီ။



“အချက်မသိတော့သားမက်သူခိုးထင်” ဆိုသလို အဖွားတစ်ယောက်မှောင်ကြီးထဲမှာ ကျွန်တော့်ကိုလူမှားပြီးတီးလိုက် တာလို့ဖြေပြီးတွေးလိုက်မိပါတယ်။ ရာအိမ်မှူးဖြစ်တဲ့ဦးလေး ဦးကံမှ “အမစော…အဲဒါရာဇာလေ… အမလူမှားပြီးရိုက် လိုက်တာကိုး” ဆိုပြီးပြောလည်းပြော ကျွန်တော့်ကိုလည်းလာပြီးထူပေးပါတယ်။ “အေး..သိတယ်မောင်ကံရေ…ဒီ အကောင်မှန်းသိလို့ကို ငါတမင်စောင့်ပြီးရိုက်တာဟေ့… ဟဲ့အကောင် နင့်တို့ကိုယ်နင်တို့ တော်တော်လည်လှချည့်ရဲ့ ဆိုပြီးထင်နေကြတယ်ပေါ့လေ..ဒီနေ့နင်တို့ ဘာလုပ်တယ်ဆိုတာ ငါမသိဘူးများအောက်မေ့နေလား ဟင်..ဟိုကောင် မမိသန့် နင်လည်းတော်တော် လင်လိုချင်နေတယ်ပေါ့လေ..အေး နင်လည်းငါနဲ့တွေ့မယ်..ဟိုကောင်မလေးယောက်နဲ့ သူတို့လင်တွေ လည်းလာပါစေအုန်း …စောမြဘယ် လိုကောင်မလည်းဆိုတာသိသွားအောင်လုပ်ပြမယ်” ဆိုတဲ့အဖွား ရဲ့ဒေါသစကားတွေကိုကြားလိုက်ရတော့မှ ကျွန်တော်တို့အားလုံးအံ့အားသင့်သွားကြပါတယ်။ အဖွားရဲ့စကားအရ ခုနကျွန်တော်အရိုက်ခံရတာ လူမှားအရိုက်ခံရတာမဟုတ်ပဲ ယောက္ခမရဲ့တမင်ကြိုတင်ကြံစည်ခြင်းကို ခံလိုက်ရတယ် ဆိုတာ သဘောပေါက် လိုက်ပါပြီ။ “ ဟဲ့ အကောင်သွား..နင်အခုငါ့အိမ်ပေါ်ကဆင်း..ချက်ချင်းဆင်းနော်.. မဟုတ်ရင် နင့်ကိုငါထပ်လုပ်မိမယ်..ဟိုကောင်မမိသန့်..နင်လည်းအခန်းထဲဝင်.. မိလှိုင်နင်တို့လည်းပြန်ကြ.. နင်တို့အားလုံးအလို တူအလိုပါတွေဘဲ..အားလုံးသွားကြ..ငါ့အိမ်မ လာကြနဲ့” ဆိုပြီးအဖွားပွဲကြမ်းနေပါပြီ။ 



ကျွန်တော့်အနေနဲ့ ဘာမှကိုပြောလို့မရပါဘူး။ အဖွားကိုအခုလိုမဖြစ်စေချင်လို့ အားလုံးဖုံးဖုံးဖိဖိလုပ်ထားတာကို ဘယ် သူကလာချွန်သွားသည်မသိ..အခုတော့အားလုံးပိုရှုတ် ကုန်ပါပြီ။ ခရီးသွားဖို့လာပြောတဲ့ကိစ္စတောင် ဘယ်ဆီရောက် သွားမှန်းမသိ အဖွားရဲ့ဒေါသအောက်မှာ အားလုံးငြိမ်သက်လို့နေပါပြီ။ အဲဒီအချိန်မှာ “အမေ..ဘာဖြစ်နေကြတာ လည်း” ဆိုပြီးဝင်လာတဲ့အခါတော်ပေး မမကြီးနဲ့မမလတ်ညီအမနှစ်ယောက်လည်း ဘုမသိ၊ ဘမသိရောက်လာလို့ပွဲ ကပိုဆူသွားတော့တယ်။ “အေး..ကောင်မတွေလာကြ.. နင်တို့အသက်ရှည်အုန်းမယ်.. မအေကိုဝိုင်းပြီးလိမ်တဲ့ကောင် မတွေ..ကဲဟာ..ကဲဟာ” ဆိုပြီးအမနှစ်ယောက်စလုံးကို လက်နဲ့မိတဲ့နေရာရိုက်ပါတော့သည်။ ဆွဲတဲ့သူဆွဲ၊ ငိုတဲ့သူငိုနဲ့ ကျွန်တော်မောင်ရာဇာရဲ့မင်္ဂလာဦးညဟာ အရပ်ကူပါ လူဝိုင်းပါဆိုသလို တော်တော်လေးကိုစည်ကားပါတယ်ခင်ဗျာ။ (အင်း..သူငယ်ချင်းတွေပြောတဲ့ bachelor night ကတော်တော်လေးပျော်စရာကောင်း ပါသည်..ကျွန်တော့်အဖို့တော့ အဲဒီညတော်တော်လေးကို ဘက်ချလာရိုက်လို့ ဒေါင်ချာပါစိုင်း သွားပါသည်)



“ဟိုအကောင် နင်မသွားသေးဘူးလား” ဆိုပြီးကျွန်တော့်ဖက်လှည့်လာလို့ အမြန်သုတ်ခြေတင်ခဲ့ရပါတယ်။ မတင်လို့ ကလည်းမရပါဘူး။ မဟုတ်ရင်ထပ်ပြီးအရိုက်ခံရမယ့်အနေထားမို့ ဒီအချိန်မှာရှောင်နေလိုက်တာ ပိုပြီးကောင်းပါတယ်။ အားလုံးလည်းအလျှိုအလျှိုပြန်ကုန်ကြလို့ သူတို့သားအမိတွေသာအိမ်မှာကျန်ခဲ့ပြီး စကားပြောသံ၊ ဆူသံတွေတိုးသွား လိုက်၊ ကျယ်လာလိုက်နဲ့မနက် ၂နာရီကျော်လောက်မှာတော့ ဘာသံမှမကြားရတော့ပါဘူး။ ကျွန်တော်လည်းအရိုက် ခံရလို့ညာဖက်ဂျိုဇောင်းမှာ နာနေတာကတစ်ကြောင်း၊ မထင်မှတ်ထားတာတွေ ဆက်တိုက်ဆိုသလိုဖြစ်လာတာက တစ်ကြောင်း၊ လေသံမာမာနဲ့တခါမှ စကားမပြောဘူးတဲ့အဖွား ကျွုန်တော့်အပေါ်တော်တော်လေးဒေါသထွက်နေလို့ စိတ်မကောင်းဖြစ်နေမိတာကတစ်ကြောင်း၊ နောက်တစ်ရက်လောက်နေပြီးရင် ကျွန်တော်ချစ်တဲ့သူတွေနဲ့ အားလုံးကို ခွဲပြီးရေခြား၊ မြေခြားကိုသွားရတော့မယ်ဆိုတဲ့အသိတွေက ကျွန်တော့်ကိုအိပ်လို့မရအောင် တွန်းအားပေးနေပါတယ်။ ဒါကြောင့်အိပ်လို့မရမယ့် အတူတူကိုယ့်ရဲ့ ပစ္စည်းလေးတွေသိမ်းရင်း ကျွန်တော့်ရဲ့မင်္ဂလာဦးညကို တစ်ယောက်ထဲ အထီးကျန်(ခေါင်းနာ) စွာဖြင့်ဖြတ်သန်းရင်း မိုးစင်စင်လင်းစေခဲ့ပါတယ်။ 



မနက် ၇ နာရီလောက်မှာတော့ မမကြီး၊ မမလတ်၊ အမတို့လင်မယားနဲ့အတူ ကျွန်တော်တို့အားလုံးလမ်းထိပ်လ္ဘက် ရည်ဆိုင်ကိုထွက်လာခဲ့ပါတယ်။ စားသောက်စရာတွေမှာပြီး ညကဖြစ်တဲ့အကြောင်းတွေပြန်ပြောဖြစ်ကြပါတယ်။ အား လုံးမျက်နှာတွေတော့မကောင်းကြပါ။ “အမေတော့ညက တော်တော်လေးစိတ်ဆိုးနေတာ.. မမတို့ညီအမတွေလည်း အရိုက်ခံရတာပြောမနေနဲ့..သူမောပြီးအိပ်သွားမှပဲ မမတို့လည်းသက်သာတော့တယ်..မောင်လေးမနက်ဖန်သွားရမယ့် အကြောင်းညီမလေးကိုမမတို့ပြောလိုက်တယ်..သူလိုက်တော့လိုက်မပို့နိုင်တော့ဘူးတဲ့..အမေကအခုတောင်အလုပ်မ သွားရဘူးပြောထားတယ်..ညကခေါင်းကိုအရိုက်ခံရတယ်ဆို.. အခုလိုဘယ်လိုနေလည်းမောင်လေး သက်သာလား.. အမေဘာနဲ့ရိုက် တာလည်းရာဇာ” မမကြီးရဲ့အမေးဆုံးမှညကကျွန်တော် ကယောင်ကတမ်းနဲ့ကောက်ကိုင်လာတဲ့ အရာကို သွားသတိရလိုက်ပါတယ်။ ““ရှင်မတောင်သနပ်ခါး အပွေးတုံးကြီး”” ပါ။ လွန်ခဲ့တဲ့ ၂ရက်လောက်ကမှ ကျွန်တော်ကိုယ်တိုင် လွှနဲ့ဖြတ်ထားပေးခဲ့တဲ့ တခါမှမသွေးရသေးတဲ့ “ရှင်မတောင်သနပ်ခါးအပွေးတုံး” ကြီးပါခင်ဗျာ။ 



“ရှင်မတောင်သနပ်ခါးအပွေးတုံးကြီး နဲ့ရိုက်တာမမရေ.. အဖွားလက်ကလွတ်ကျလို့ ကျွန်တော်လည်းကယောင်က တမ်းနဲ့ကောက်ပြီးကိုင်လာတာ ဘာမှန်းမသိဘူး..အိမ်ရောက်လို့ကြည့်လိုက်မှ သနပ်ခါးတုံး မှန်းသိတာ” လို့ကျွန်တော် လည်းပြောလိုက်ရော မမကြီးတို့ညီအမနှစ်ယောက် တစ်ယောက်မျက်နှာ တစ်ယောက်ကြည့်ပြီး ခွက်ထိုး၊ ခွက်လန်ရီ ကြပါတော့တယ်။ ကျွန်တော့်အမလင်မယားနဲ့ ကျွန်တော်လည်း အူကြောင်ကြောင်နဲ့ သူတို့ညီအမနှစ်ယောက်ကိုသာ ကြည့်နေမိပါတယ်။ ကျွန်တော်ပြောလိုက်တဲ့အထဲမှာ အခုလိုရီစရာကောင်းတဲ့ စကားလည်းမပါသလို၊ ခုနသူတို့ မျက်နှာမကောင်းဖြစ်နေတာ ကျွန်တော်တို့အားလုံးသိနေတာမို့ အခုမှထပြီးခွက်ထိုး ခွက်လန်အားရပါးရ ရီပြီးအူမြူးနေ တာတွေ့လို့ ကျွန်တော့်အဖို့တော်တော်ဆန်းနေပါတယ်။ “ မမကြီး ဘာဖြစ်လို့လည်း... ကျွန်တော်ပြောတဲ့အထဲမှာရီ စရာပါလို့လား” လို့မေးမှအားလုံးအရီရပ်ပြီး “ကဲ..မောင်လေးရာဇာ..အားလုံးအဆင်ပြေသွားမှာပါ..အခုမောင်လေးမြို့ ထဲသွားမှာမလား..ကဲသွားစရာရှိတာသာသွား..မမကြီးလည်းကျောင်းသွားဖို့ အချိန်နီးနေပြီသွားတော့မယ်..မိလှိုင်တို့ လင်မယားလည်း အလုပ်သွားမှာမလား.. သွားကြမယ်လေ.. ရာဇာညကျရင်မမကြီးတို့ဆီဖုန်းဆက်လိုက်..လေဆိပ် ကိုဘယ်နှစ်နာရီဆင်းရမလည်းဆိုတာကိုနော်..မမတို့အားလုံးလေဆိပ်ကစောင့်နေမယ် ဟုတ်ပြီလား.. စိတ်မကောင်း မဖြစ်နဲ့ ..မင်းနဲ့မိသန့်လေးကိစ္စ မမကြီးတို့အားလုံးတာဝန်ယူတယ်” လို့ပြောပြီး စကားလမ်းကြောင်းလွဲသွားပါတယ်။ ကျွန်တော်လည်းမြို့ထဲမှာ ၉နာရီချိန်းထားတာမို့ မမကြီးတို့အားလုံးကို နှုတ်ဆက်ပြီးထွက်လာလိုက်ပါတယ်။ လိုအပ် တဲ့စာရွက်စာတမ်းများနဲ့ လေယာဉ်လက်မှတ်များကိုချိန်း ထားတဲ့ရုံးခန်းမှာသွားယူပြီး အသုံးလိုမယ့်ပစ္စည်းလေးတချို့ ကိုလိုက်ဝယ်ရင်းမြို့ထဲမှာတင် ညနေစောင်းသွားပါတယ်။ ညနေရုံးဆင်းချိန်မို့လိုင်းကားတိုးစီးရင်း အိမ်ရောက်တော့ ညနေ ၆နာရီလောက်ရှိနေပါပြီ။ ရေမိုးချိုးပြီး ချစ်ဇနီးလေးရဲ့အိမ်ရှေ့ကိုအရဲစွန့်ပြီးသွားကြည့်တော့ခြံတံခါး၊ အိမ်တံခါး အားလုံးသော့ခတ်ထားတာကိုပဲတွေ့ရပါတယ်။ လူမရှိတာသေချာနေတာမို့ ကျွန်တော်ခေါ်ကြည့် မနေတော့ပါဘူး။ မမတို့အိမ်ရှေ့အိမ်မှ ရာအိမ်မှူးဦးလေးကိုမေးကြည့်တော့ သားအမိ၂ယောက်လှည်းကူးက အမျိုးတွေဆီသွားကြောင်း သိလိုက်ရပါတယ်။ မနက်ဖန်မနက်အစောကြီး လေဆိပ်ဆင်းရမှာမို့ မသွားခင်တော့ချစ်သူ(ချစ်ဇနီးလေး) ရဲ့မျက်နှာ ကိုမြင်သွားချင်တာပေါ့ခင်ဗျာ။ ခုတော့……



မနက် ၅ နာရီကျော်ကျော်လောက်လေဆိပ်ကိုရောက်တော့ မမကြီးတို့ညီအမလေးယောက်နဲ့ သူတို့အမျိုးသားတွေ အားလုံးကျွန်တော်တို့ အရင်ကြိုရောက်နှင့်နေကြပါပြီ။ လေယာဉ်ချိန်ကမနက် ၇ နာရီမို့အချိန်စောနေပါသေးပါတယ်။ ကျွန်တော်တို့အားလုံးကော်ဖီဆိုင်ထိုင်လို့ မနက်စာစားရင်းအမများကမှာစရာရှိတာများ မှာကြပါတယ်။ မမကြီးရဲ့အ မျိုးသားအကိုကြီးကျော်နိုင်ကတော့ “ ရာဇာ…ရေဟိုနေ့ကဖြစ်တဲ့ကိစ္စတွေကိုတွေးပြီးစိတ် မကောင်းမဖြစ်နဲ့…အမေက အဲလိုပဲ.. အကိုကြီးတို့လင်မယားတောင်အခု အသက် ၄၀ ကျော်နေပြီ.. သူစိတ်မထင်ရင်ခေါ်ပြီးရိုက်ချင် ရိုက်နေတာ ..ရာဇာကအခုမှအရိုက်ခံရတာ.. အကိုကြီးတို့သားမက်တွေအားလုံး ဒေါ်စောမြအရိုက်မခံဖူးတဲ့ သူမရှိဘူး.. ဟိုနေ့က ရာဇာအရိုက်ခံရတာသနပ်ခါးတုံးနဲ့ဆိုဟုတ်လား…ရှင်မတောင်မှဟုတ်ရဲ့လား” လို့ရီကျဲကျဲလုပ်ပြီးမေးလို့ “ဟုတ်တယ် အကိုကြီး” လို့ ကျွန်တော်ပြန်ဖြေလိုက်တော့ အားလုံးသဘောကျပြီးရီ ပါတော့တယ်။ မရီပဲနေတာဆိုလို့ ကျွန်တော့် အမလင်မယားနဲ့ ကျွန်တော်ပဲရှိပါတယ်။ “အဲဒါဆိုရင်သေချာသွားပြီး ရာဇာ့ကိုအမေက သူ့သားမက်အဖြစ်လက်ခံ လိုက်ပြီ” အကိုကြီးကျော်နိုင်ရဲ့စကားကို ကျွန်တော်နားမလည်မှန်းရိပ်မိနေတဲ့မမလတ်ယောက်ျားက “ဒီလိုညီလေးရေ ..အကိုတို့မယားညီအကိုလေးယောက်စလုံး ညီလေးလိုပဲသူတို့အမေရဲ့ ရှင်မတောင်သနပ်ခါးတုံးနဲ့ အထုခံဖူးတယ် ကွာ.. အမေကသူ့သားမက်အားလုံးကို ရှင်မတောင်သနပ်ခါးတုံးနဲ့ထုပြီး၊ မှတ်ကျောက်တင်ပြီးမှ သားမက်အဖြစ် လက်ခံတာဗျား..အခုညီလေးကိုလည်း သနပ်ခါးတုန်းနဲ့ထုတယ် ဆိုတော့အိုကေသွားပြီ လို့ပြောတာ...အမေလက်ခံ သွားပြီလို့ပြောတာညီလေးရေ” သြော်အခုမှကျွန်တော်တို့သဘောပေါက်သွားပါပြီ။ ဒါကြောင့်မမကြီးတို့အားလုံး ခွက် ထိုး ခွက်လန်ရီနေကြတာကိုး။ 



“အားလုံးတော့တစ်ချက်စီပဲကွ ရာဇာရ.. ညီလေးအလှည့်မှ ၂ချက်တောင်ဆိုတော့အမေကမင်းကို သားမက်တွေအ ထဲမှာအချစ်ဆုံးဖြစ်လို့ထင်တယ်” ဟုဆိုကာဝိုင်းပြီး ရီကြပါတော့တယ်။ ဒီတစ်ခါမရီနိုင်တာ ကျွန်တော်တစ်ယောက် ထဲပါ။ အခြေအနေအား လုံးကိုသိလိုက်ရပြီမို့ဝမ်းသာပေမယ့် ချစ်ဇနီးလေးကိုနောက်ဆုံးအနေနဲ့ တွေ့ခွင့်၊ နှုတ်ဆက် ခွင့်မရခဲ့တဲ့အတွက်တော့ကျွန်တော် တော်တော်လေးဝမ်းနည်း၊ စိတ်မကောင်းဖြစ်မိနေပါ တယ်ခင်ဗျာ။ အချိန်အားဖြင့် အနည်းဆုံး ၃ နှစ်လောက်ခွဲနေရမှာမို့ ကျွန်တော်မောင်ရာဇာတစ်ယောက် ကြင်လည်းမကြင်၊ မြင်လည်းမမြင်လိုက်ရ တဲ့ချစ်ဇနီးမမကို လွမ်းနေရအုန်းမှာပါ။ သြော်ဒါကြောင့် တွင်းသင်းဝန်မင်းကြီးဦးထွန်းညိုက ဥမ္မာဒန္တီပျို့မှာအောက်ပါ စာသားလေးကို စပ်ဆိုခဲ့တယ်ထင်ပါရဲ့ခင်ဗျာ။



လွမ်းတပူဆွေး သူနဲ့ဝေးသော်

ပြည်ထဲရေးနှင့် ၀မ်းရေးတို့ထက်

လွမ်းရေး ပိုခက်၏။


(ဂျိုဇောင်းကဒဏ်ရာထက် လွမ်းရမယ့်အဖြစ်ကပိုနာပါတယ်ခင်ဗျာ)



သွားဖို့အချိန်ကျလာပြီမို့ အကိုတွေ၊ အမတွေအားလုံးကိုရှစ်ခိုးနှုတ်ဆက်ပြီး ကျွန်တော်လည်းသက်ဆိုင်ရာကောင်တာ အသီးသီးကိုကျော်ဖြတ်ရင်း အကောက်ခွန်ကောင်တာသို့ရောက်ရှိလာပါတယ်။ “ပစ္စည်းလေးတွေစစ်ကြည့်မယ်နော် ..အိတ်ကလေးဖွင့်ပေးပါ” လို့အကောက်ခွန်အရာရှိရဲ့စကားကြောင့် ကျွန်တော့်ရဲ့တစ်ခုထဲသော လက်ဆွဲအိတ်ကို ဖွင့်ပြလိုက်ပါတယ်။ တာဝန်အရပစ္စည်းများကိုစစ်ကြည့်ရင်းက ပုဆိုးနဲ့ပတ်ထားတဲ့အရာကိုတွေ့လို့ ထုတ်လိုက်ရင်း “ ဒါကဘာလည်း” လို့မေးလည်းမေး၊ ဖြေလည်းဖြေကြည့်လိုက်ကြပါတယ်။ ထွက်ကျလာတဲ့အရာကိုတွေ့လိုက်တော့မှ ပဲ အကောက်အခွန်ကဆရာသမား ၂ ယောက်လည်းပြုံးစိစိနဲ့ “ ကဲသွားလို့ရပါပြီဗျာ ”ဆိုပြီးသွားခွင့်ပြုလိုက်ပါတယ်။ ကျွန်တော်လည်းကိုယ့်ပစ္စည်းလေးတွေပြန်စီထည့်ရင်း ခုနဖြေလိုက်လို့်ထွက်လာတဲ့ “ရှင်မတောင်သနပ်ခါးအပွေးတုံး” ကိုကြည့်ရင်း ညာဖက်ဂျိုဇောင်းကိုဘုထွက်အောင်ထုပြီးမှ သားမက်အဖြစ်လက်ခံပေးလိုက်တဲ့ တစ်သက်မမေ့နိုင်တဲ့ (အဖွား) ဒေါ်စောမြရဲ့မျက်နှာကို ကျွန်တော်မောင်ရာဇာတစ်ယောက် ကြောက်ကြောက် လန့်လန့်နဲ့ပြန်ပြီးမြင်ယောင် မိနေတာ အခုချိန်အထိပါ ဘဲခင်ဗျာ……။





သူငယ်ချင်းညီအကိုမောင်နှမတွေအားလုံး ဘ၀အမောတွေပြေကြပါစေ။


ရာဇာထွေး


read more

Tuesday, July 17, 2012

အချစ်ဖော်ကောင်




သီချင်းနားထောင်ရန် လင့် =
  အချစ်ဖော်ကောင်




ပို့စ်လေးတွေမတင်နိုင်သေးလို့ ရှိတဲ့သီချင်းလေးတွေပဲတင်ပေးလိုက်ပါတယ်။ တချိန်က ဆလိုင်းသွှအောင် ရဲ့နာမည်ကြီး ခဲ့တဲ့ သီချင်းဟောင်းလေးပါ။ အခုချိန်မှာ ဘိုဖြူနဲ့ဂရေဟမ်တို့ကပြန်လည် သီဆိုထားကြပါတယ်။ ကျွန်တော်ကြိုက်နှစ် သက်တဲ့သီချင်းလေးမို့ ဘိုဖြူသီဆိုထားတာလေးကိုပြန်လည်ပြီး Flashsong အဖြစ်ဖန်တီးထားတာပါ။ နှစ်သက်ကြ မယ်လို့ထင်ပါတယ်။ သီချင်းလေးနားထောင်ရင်း ခဏတာဘ၀အမောတွေပြေကြပါစေ….။


ရာဇာထွေး
read more

Wednesday, July 11, 2012

မပြောချင်ပဲ ပြောရအုန်းမယ်




ဒီအကြောင်းလေး  ပြောချင်နေခဲ့တာ ကြာပါပြီ… ။ အခုတော့  ပြောဖို့အချိန်လေးလည်း  ရလာပြီမို့  ပြောပါတော့မည်…။ ကျွန်တော့်ကို  ချက်တင်မှာလာပြီး  အမှုစစ်သလို   စစ်စစ်သွားတဲ့   ကိစ္စပါ…။ အားလုံးလည်း  ကြုံဖူးကြမှာပါ…။ ကျွန်တော် အွန်လိုင်းသုံးတတ်တာ  အချိန်အားဖြင့် ၄ နှစ်သာရှိပါသေးသည်…။ စပြီးသုံးတဲ့ အချိန်ကနေပြီး ဒီနေ့အထိ အသုံးပြုနေတာ လက်ရှိအကောင့် တစ်ခုထဲပါ…။ ထုံးစံအတိုင်းပါပဲ အွန်လိုင်းကို  စပြီးသုံး တတ်ကာစ ချက်တင်ပဲထိုင်တတ်ပါတယ်…။ သတင်းဆိုက်တွေ ဖြစ်တဲ့ ဧရာဝတီ၊ ဟစ်တိုင် ၊ ရိုးမ၊ မဥ္စိမ စ တဲ့ သတင်း စာမျက်နှာတွေကိုသာ သွားလာလည်ပတ်  တတ်ပါတယ်…။ တခြားဘယ်ဘလော့ စာမျက်နှာတွေကိုမှ မရှာတတ်၊ မသွားတတ်ခဲ့ ပါဘူး။  ( လူကလည်း  နည်းနည်းထူပါတယ်) ..။



ဒါကြောင့် အားအားရှိချက်တင် လောက်သာ ထိုင်ဖြစ်တာများပါတယ်…။ မြန်မာလိုလည်း စာစရိုက် တတ်ကာစဆိုတော့ ချက်တင်ပဲ ထိုင်ချင်နေတာပါ…။ အဲဒီမှာ ဘာဖြစ်လည်းဆိုတော့ ကိုယ်နဲ့ ချက်မယ့် အဖော်က မရှိပြန်ဘူး…။ ကိုယ်နဲ့အမြဲ  ချက်တင်ထိုင်ပြီး  ပြောနေတဲ့  သူကလည်းကိုယ်နဲ့  အခန်းချင်းကပ် ရပ်က သူငယ်ချင်း ၂ ယောက် ပဲရှိပါတယ်…။ သူတို့လည်း ကိုယ့်လိုပဲ အခုမှ စပြီးသုံးတတ်ကာစမို့ နှုတ် ခမ်းပဲ့ချင်း မီးမှုတ်နေရသလိုပါပဲ။ ဘာမှအနှစ်သာရ မရှိဘူး…။ ဒါကြောင့် သူငယ်ချင်းအသစ်တွေ လိုချင်တာလည်း  မဆန်းပါဘူး…။ ခက်တာက ဘယ်လိုသူငယ်ချင်း  ရှာရမလည်းပေါ့ (အဲလောက်တောင်တုံး တာပါ) …။



နောက်မကြာပါဘူး  မြန်မာပြည်ပြန်သွားတဲ့ သူငယ်ချင်းတယောက်က  သူ့အကောင့်ပေးလို့ သူနဲ့ ချက်တင်ထိုင်ဖြစ်ပါတယ်။ နောက်မကြာမကြာ သူကမြန်မာပြည်က သတင်းထူးလေးတွေ၊ အတင်းထူးလေးတွေကို ဖော်ဝက်မေးလ် ပို့ပို့ပေးပါတယ်…။ အဲဒီအထဲမှာ မမျှော်လင့်ပဲ   မေးလ်အကောင့်တွေ  အများကြီးပါလာလို့   ကျွန်တော်အတွက် နတ်ရထားဆိုက် သလိုပါပဲ…။ အဲဒီအထဲကနေ  အကောင့်တချို့ကိုရွေးလို့   ကျွန်တော်လိုက်ပြီး အက်ပါတယ်…။ ကိုယ်ကစပြီး အက်တာမို့   သူတို့ကိုယ့်ကို  လက်ခံလိုက်လို့  လိုင်းပေါ်မှာတွေ့ရင်  ကျွန်တော် အရင်သွားနှုတ်ဆက်ပါ တယ်။



(((မင်္ဂလာပါ…ကျွန်တော်ရာဇာထွေး…ဒီအကောင့်ကို မေးလ်ထဲကနေရလို့  အက်လိုက်တာပါခင်ဗျာ…အခု လိုလက်ခံပေးလို့  ကျေးဇူးတင်ပါတယ် ခင်ဗျာ))) စဖြင့်အဲဒီလို ကိုယ်ကအရင် ဘယ်သူ၊ ဘယ်ဝါဖြစ်ကြောင်း အရင်အသိပေးပြီး  မိတ်ဆက်ပါတယ်…။



အဲဒီတုန်းက ကိုယ့်ကိုကောင်းကောင်းမွန် လက်ခံပေးတဲ့ သူငယ်ချင်းတွေ လည်းအခုချိန်ထိ ရှိကြပါသေးတယ်…။ တချို့လည်း တစ်ခါ၊ နှစ်ခါ လောက်သာပြောပြီး  နောက်မတွေ့  ရတော့ပါဘူး…။ ဒီလိုနဲ့ နေလာတာ ၆ လကျော်ကျော်လောက်မှာ အဲလိုပဲ  မေလ်းထဲကနေ အကောင့်တွေ  ထပ်ရပြန် ပါတယ်…။ အဲဒီမေးလ်တွေ  ထဲကနေ မလေးရှားမှာရှိတဲ့  သူတွေရဲ့အကောင့်  ၅ ခု လောက်ကို  သွားအက် လိုက်တာ ၄ ယောက်ကလက်ခံပြီး ၂ ယောက်သာ  ကောင်းကောင်းမွန်မွန်  စကားပြောပါတယ်…။ အဲကျန် တဲ့  ယောက်ကျားလေး  တစ်ယောက်ကတော့ လက်ခံပါတယ် စကားပြန်မပြောပါဘူး…။ နောက်ထပ်မိန်း ကလေး တယောက်ကိုတော့ လိုင်းပေါ်မှာတွေ့လို့ ကျွန်တော်သွားပြီး  မိတ်ဆက်စကားလည်း  သွားပြောရော ကျွန်တော့်ကို စစ်တမ်းတွေ  ထုတ်တော့တာပါပဲ…။ သူ့အကောင့်  ဘယ်လိုရတာလည်း  ကနေစပြီး ကျွန်တော် ဘယ်မှာနေတယ်၊ ဘာလုပ်တယ်၊ အသက်စဖြင့် အားလုံးလည်း မေးပြီရော ကျွန်တော့်ကို  တော်တော်လေး အားယားနေလား၊ နင့်မှာ  ညီမရှိရင် အကောင့်ဖွင့်ခိုင်းပြီး  ချက်ကြပါလား၊ လူတိုင်းနဲ့ လက်ခံစကားပြောရအောင် ငါ့ကိုဘယ်လိုကောင်မလို့ နင်ထင်လို့လည်း နင်တို့လို မလေးက အကောင်တွေေ-ာက် အထင်မကြီးဘူး၊ အားယားနေတဲ့ အကောင်တွေစသဖြင့် ရင့်ရင့်သီးသီးကို အပြောခံလိုက်ရပါတယ်…။



ကျွန်တော် သူနဲ့ပြောတဲ့  စကားတွေထဲမှာ  မရိုးသားတဲ့ စကားမျိုး၊ သူ့ကိုစော်ကားသလိုဖြစ်မယ့် အသုံးအနှုန်း တစ်လုံးမှ မပါပါဘူး…။ လက်မခံချင်ရင် အစထဲကကျွန်တော်အက်တာကို  လက်မခံပဲငြင်းလို့ရပါတယ်…။ အခုတော့လက် ခံပါတယ်၊ သိချင်တာတွေလည်း  မေးသွားပါတယ်၊ ပြီးမှ လူကိုပျစ်ပျစ်နှစ်နှစ် တွယ်သွားတာမို့ ခံရတော့တော်တော် ခက်ပါတယ်…။ ကျွန်တော့်အပေါ် အထင်အမြင် လွဲသွားတာမို့ ကျွန်တော် မေးလ်တွေပို့ပြီး  အကြိမ်ကြိမ် ရှင်းပြပါတယ်…။ နေ့တိုင်းဆိုသလို  မေးလ်တွေ ပို့ဖြစ်ပါတယ်...။ တစ်လလောက်  အကြာမှာတော့ သူဖက်ကလာပြီး စကားပြန်ပြောလာပါတယ်… အရင်ကပြောလိုက် တာတွေအတွက် တောင်းပန်ပါတယ်တဲ့…။



ကျွန်တော်  လိုချင်တာအဲဒါပါ...။ ကျွန်တော်ဟာ သူထင်သလိုမ ဟုတ်ဘူးဆိုတာ သူသိသွားရင်  ကျေနပ်ပါပြီ..။ အဲဒီအချိန် ကစလို့   သူ့ကိုကျွန်တော်  ဘာအဆက်အသွယ် မှမလုပ်တော့ပဲ နေလိုက်တာဒီနေ့အထိပါ…။ သူလာပြီး  ဟိုင်းလည်း  ကျွန်တော်ပြန်တောင်  ပြန်မဟိုင်းပါဘူး၊ သူက မင်္ဂလာပါဆိုလည်း  ကျွန်တော်ပြန်ပြီး  မမင်္ဂလာပါဘူး (မာနကြီး တာမဟုတ်ပါ)…။



ကျွန်တော် သူ့ကြောင့်ချက်တင်ကို  တော်တော်စိတ်ကုန်သွားပါတယ်…။ အဲဒီ နောက်ပိုင်းက စလို့ ကျွန်တော် ဘယ်သူ့ကိုမှစပြီး   အရင်သွားမအက်တော့တာ  ဒီနေ့  ဒီချိန်အထိပါ…။ ကိုယ့်ကို လာအက်သမျှ အားလုံးကိုပဲ လက်ခံပါတယ် …။ နောက်တော့ နိုင်းဆိုက်တွေမှာ မန်ဘာဝင်ရင်း  စာလေး ဘာလေးရေးဖြစ်တော့   ချက်တင်မထိုင်  ဖြစ်တော့ပါဘူး…။ ကွန်မန့်လေးတွေ လိုက်ပေး၊ သူငယ်ချင်းတွေ စာမျက်နှာလေးတွေ လည်လိုက် ၊ နောက်တော့ ဘလော့လေး  တစ်ခုလုပ်ပြီး လိုင်းပေါ် မှာ  ပျော်နေခဲ့တာပါ…။ ချက်တင်မှာ   အရမ်းရင်းနှီးတဲ့ သူတွေလောက်နဲ့သာ  ပြောဖြစ်ခဲ့တာပါ…။



တလောလေးက  အလှူအတွက် ဆက်သွယ်ရမယ့် အကောင့်တွေ  တင်ထားပါတယ်…။ လာအက်ကြ တဲ့ သူတွေလည်းရှိပါတယ်( ၆ယောက် ပါ..။ တယောက်မှ အလှူအကြောင်းမမေးပဲ ကျွန်တော့် အကြောင်းတွေကိုသာ အမှုစစ်သလို စစ်သွားကြပါတယ်…။ ကျွန်တော့်နည်းတူ အမလွမ်း(အလွမ်းမြို့လေး) နဲ့  ညီမလေး လမင်း(ချစ်စံအိမ်)တို့လည်း  ခံရတယ်လို့   သတင်းရပါတယ်:P)…။



အဲဒီ  မတိုင်ခင်ကလည်း ကျွန်တော်နိုင်းဆိုက်တွေမှာ   လည်နေတုန်းက   အကောင့်ကို   ဆိုက်တွေထဲမှာ  တင်ထားတာရှိပါတယ်…။ အက်ဒမင်  လုပ်နေတာမို့  ဆက်သွယ်ရန်မေးလ် လိပ်စာတွေမှာလည်း  လက်ရှိအကောင့်ကို  တင်ထားသလို ဖလက်စောင်း  သီချင်းလေးတွေ  လုပ်ရင်လည်း  ကိုယ့်အကောင့်ကို  ထည့်ထားတာမို့ ဘယ်သူလာအက်အက် ကျွန်တော်အားလုံးကို  လက်ခံတတ်ပါတယ်…။ သူတို့  မသိတာလေးတွေ လာမေးကြသလို၊ လိုချင်တာလေးတွေလည်း  တောင်းတတ်ကြပါတယ်…။ ကျွန်တော် လူတတ်ကြီးမဟုတ်ပေမဲ့ ကျွန်တော်တတ်ထားတာ၊ သိထားတာ၊ ရှိတာလေးတွေဆိုရင်အ ချိန်ပေးပြီးပြောပြ၊ လုပ်ပြ၊ သင်ပြပေးတတ်ပါတယ်…။ အဲလိုလာအက်တဲ့  အထဲမှာတချို့ တော်တော်ဆိုးပါတယ်…။ သူတို့က ကျွန်တော့်ကို  အရင်လာအက်လို့ ကျွန်တော်လက်ခံတာပါ…။



သူတို့ ဘယ်သူ၊ ဘယ်ဝါဆုိတာ မသိပါဘူး…။ နောက်ပြီး လာအက်တဲ့ သူတွေက သူတို့ ဘယ်သူဘယ်ဝါဆိုတာကို  အရင်မပြောပဲ မင်းဘယ်သူလည်း၊  ဘယ်မှာနေတာလည်း၊ ဘာအလုပ်လုပ်လည်း အဲလိုတွေ  သူတို့အရင်လာမေးကြပါတယ်… ။ နောက်ပြီး မိန်းကလေးတွေ ရှိပါသေးတယ်  လာတော့အက်ပါတယ်၊ သူတို့သိချင်တာတွေ အကုန်မေးသွားတတ်ပါတယ်၊   ကိုယ်က  သူ့နာမည်  ဘယ်လိုခေါ်လည်းလို့ ပြန်မေးရင်  မဖြေပါဘူး...။ သူတုိ့နဲ့သာ ကျွန်တော် စကားပြောပြီးသွားတယ် သူတို့ ဘယ်သူဆိုတာ  ကျွန်တော်မသိလိုက်ပါဘူး…။ ကဲကျွန်တော်ပြောချင်တာ အဲဒီမှာပါ…။ သူငယ်ချင်းလို  ခင်မင်ချင်လို့ ရိုးရိုးသားလာအက်ပြီး မိတ်ဆွေဖွဲ့ချင်တာဆိုရင် လက်ခံပါတယ်…။ တခုခု  အကူအညီလိုလို့  လာအက်ရင်  လက်ခံပါ တယ်…။



ဒါပေမယ့်ကိုယ်နဲ့ စကားလာပြောတဲ့သူဟာ  မောင်ဖြူလား၊ မောင်နီလား၊ ယောက်ကျားလား၊ မိန်းမလား ဆိုတာတော့ ကျွန်တော်သိချင်ပါတယ်…။ အခုတော့ ကိုယ့် နာမည်လေးတောင်မှ မပြောပြ ချင်လောက်အောင် ရိုးသားမှုမရှိရင် အစထဲက လာပြီးမအက်တာ သူ့ အတွက်ရော ကိုယ့်အတွက်ပါ ပိုကောင်းပါတယ်…။ ရိုးသားစွာ  ခင်မင်ချင်တဲ့  သူတွေကို ကျွန်တော်ကြိုဆိုပါ တယ်…။ အားလုံးကို    မောင် လိုနှမလို ခင်မင်တတ်တာ ကျွန်တော့်ရဲ့ စိတ်ရင်းအမှန်ပါ…။ မရိုးသားတဲ့ ဘဘော မျိုးဆိုရင်တော့ ကျွန်တော့်ဆီ လာအက်မနေပါနဲ့ အချိန်ကုန်ပါတယ်…။



ကျွန်တော်ကိုယ်တိုင်လည်း  မရိုးမသားမဆက်ဆံတတ်ပါဘူး…။ အားလုံးကို  ခင်မင်တတ်ပါတယ်…။ ခင်မင်တတ်လွန်းလို့လည်း ခဏခဏအ လိမ်ခံခဲ့ရဘူးပါတယ်:D…။ အလုပ်လုပ်ရင်း  အွန်လိုင်းသုံးတာမို့ မအားတတ်တာများပါတယ်…။ အလုပ် ထဲရောက်လာရင် အကောင့်ကို အမြဲတမ်းဖွင့်ထားပြီး အလုပ်လုပ်လိုက်၊ အလုပ်လေးပါးတဲ့အချိန် အွန်လိုင်းလေးတက်လိုက် ဒီလိုနေတာပါ… ။ ဒါကြောင့် အမြဲတမ်း Busy ပဲပြထားတာပါ…။ အဲလိုပြထားပေမယ့် ကိုယ့်ကို လာပြီးစကားပြောနေမယ် ကိုယ်ကလည်း  အားနေမယ်ဆိုရင် ကျွန်တော်ပြန်ပြီးလက်ခံ စကားပြောတတ်ပါတယ်…။ တခါတလေ ကိုယ်ကလည်း အလုပ်ရှုပ်နေတဲ့ အခါမျိုးသူတို့ လာစကားပြောရင်  ဘာမှပြန်မပြောနိုင်ပါဘူး…။ အဲဒီအခါ ကျရင် ( ဟေ့  ပြောနေတယ်လေ… မကြားဘူးလား … ပြန်ဖြေလေ …ေ-ာက်ပဲ က များနေသေးတယ် ) အဲလို လည်း  အပြောခံရဘူးပါတယ်…။ အဲလိုပြောသွားတဲ့  သူတွေကကျွန်တော့်   တူ သား  အရွယ်တွေပါ…။



(အမျိုးရင်းဖြစ်တဲ့  ညီမလေး ချစ်စံအိမ်တောင်  ကျွန်တော်က မာနကြီးတယ်… အဲဒီ မာနတွေကို  ဗိုက်ထဲမှာ ထည့်ထားလို့  ကျွန်တော်  ဗိုက်ပူနေတာလို့  တောင်သူများကိုသွားပြီး   အတင်းတုတ်ပါ တယ်:P)



တစ်ဖက်လူရဲ့  အခြေအနေကို  သေချာမသိပဲ ကိုယ့်ဖက်ကိုယ်ကြည့်ပြီး  ပြောသွားကြတာပါ…။ နောက် ထပ်ရှိပါသေးတယ်… ကိုယ့်ကို လာအက်ပြီး မိန်းကလေးအကောင့်တွေ  ရှိရင်ပေးလား…ကျွန်တော်မှာရှိ တာ လည်းပြန်ပေးမယ်လေ ဆိုပြီး မျက်နှာပြောင်တိုက်ပြီး အကောင့်လာတောင်းတဲ့ သူတွေလည်း ရှိပါတယ်…။



ကျွန်တော့်အထင်   သူတို့မှာ တော်တော်လေးအချိန်တွေ  ပိုနေတယ်ထင်တာပဲ၊ အင်တာနက်သုံး တဲ့  နေရာမှာ ချက်တင်အပြင်  တစ်ခြားဘာမှ မသုံးတတ်ဘူးလား မသိဘူး…။ လိုင်းပေါ်တက်လာ ကောင်မလေး ၊ ကောင်လေးတွေနဲ့ Q ဖို့လောက်ပဲသူတို့ အာရုံရကြတာလား မပြောတတ်ပါဘူး…။ အဲလိုလူမျိုးဆိုရင် ကျွန်တော်ဘာမှ ပြန်ပြောမနေတော့ပါဘူး…မောလို့…။ ကျွန်တော်အွန်လိုင်း စသုံးတတ်ကာစ ချက်တင်ထိုင်ချင်လို့ သူငယ်ချင်းရှာတာ မိန်းကလေး  မရှိသလောက် ရှားပါတယ်…။ ချစ်စကား ကြိုက်စကားပြောဖို့ တီတီ တာတာ လုပ်ဖို့လည်း စိတ်ကူးမရှိဘဲတကယ် သူငယ်ချင်းလိုချင်လို့  လိုက်အက်ပြီး   မိတ်ဆွေဖွဲ့တာပါ…။ သူ့တို့ကျမှ  ကောင်မလေး   အကောင့်တွေ ချင်းဖလှယ်ကြမယ် လုပ်တာတော်တော် အံသြမိပါတယ် …။ ကျွန်တော့် သူငယ်ချင်းတစ်ယောက်လည်း ကျွန်တော့်လို  ခဏခဏ  အမေးခံရလို့  စိတ်ပျက်ပြီး  သူ့အကောင့်မှာ  အခုလို  စာလေးပြီး  တင်ထားပါတယ် …။

အမည်= ဇာလင်းဟန်

အသက်= ၃၃ နှစ်

အမျိုးအစား= ယောက်ကျား

နေရပ်= မလေးရှား


အဲလိုရေးထားတာ…။ ကျွန်တော်က“ ဟ..ဇာလင်း  စာတွေ ဘာတွေ  ရေးထားလို့ပါလား ”လို့မေးတော့“  ဟုတ်တယ် ကိုဖိုးကျော်ရေ .… ဇာလင်းဟန်လို့  ရေးထာတာတောင် လာပြီး Q တဲ့ ကောင်နဲ့.. .ကောင်မလေး အကောင့် လာတောင်းတဲ့ ကောင်နဲ့.. .တော်တော် အာရုံနောက်လို့  ရေးထား လိုက်အေးရော။ အကိုရာ...” ကဲ....မခက်ဘူးလားခင်ဗျာ…။ အင်တာနက်ကို ချက်တင်လောက်သာ အသုံးချနေရင် ငွေကုန်အချိန်ကုန်တာဘဲ အဖတ်တင်မှာပါ…။ အင်တာနက်သုံးရင်း အခြားလေ့လာ  သင်ယူစရာ  ဗဟုသုတတွေအများကြီးပါ…။ ရှာကြပါ၊  လေ့လာကြပါ၊  ချက်တင်မှာပဲ အချိန်းမဖြုန်းကြဖို့ ညီငယ်၊  ညီမငယ်၊  ကိုကို၊  မမတွေ  ကိုအသိပေးချင်ပါ တယ်…။ 



သူငယ်ချင်း ညီအကိုမောင်နှမတွေအားလုံး ဘ၀အမောတွေပြေကြပါစေ

ရာဇာထွေး



read more

Friday, July 6, 2012

အမြတ်တနိုးရိုသေခြင်း(၀ါ) ပူဇာ



တနေ့တာအလုပ်တာဝန်များပြီးလို့ အိမ်ကိုပြန်ရောက်တဲ့အချိန်ကမနက် ၄း၀၀ နာရီပါ။ မြန်မာစံတော်ချိန်အရဆိုရင် မ နက်၂း၃၀ပေါ့။ အဲဒီအချိန်အိမ်ရောက်တိုင်း အမြဲတမ်းသတိတရဖြစ်မိတာ ဇနီးနဲ့သားကိုပါ။ ဒီအချိန်ဆို ဇနီးသည်နဲ့ သားလေး နှစ်နှစ်ခြိုက်ခြိုက်အိပ်မောကျနေကြရောပေါ့ဆိုပြီး အမြဲတမ်းသတိရရှိနေတတ်တာပါ။ အခန်းရောက်ရင်အ ၀တ်အစားအရင်လဲလို့ စားဖို့သောက်ဖို့အတွက်မီးဖိုချောင်ကိုဝင် ချက်စရာရှိတာချက်၊ လျှော်စရာရှိ တာလေးတွေလျှော် ဖွတ်၊ ကိုယ်နေတဲ့အခန်းလေးသန့်ရှင်းရေးလုပ်နဲ့ အိမ်ထောင်ရှင်မတစ်ယောက်ရဲ့တာဝန်တွေကိုယူရပြန်ပါတယ်။ အား လုံးကိစ္စပြီးလို့ ရေမိုးချိုးပြီးရင်တော့ ဘုရားစင်ဖက်လှည့်လို့သောက်တော်ရေအသစ်လဲ၊ ဆီမီးပူဇော်ပြီးရင် ဘုရား ရှိခိုးခြင်း ကိုစတင်ပါတယ်။ မေတ္တာပို့အမျှအတမ်းဝေပြီးရင် လိုချင်တဲ့ဆုကိုတောင်းလို့ ဘုရားရှိခိုးခြင်းကိုအဆုံးသတ် ပါ တယ်။ နေ့စဉ်ပြုလုပ်နေကျမထူးဆန်းတဲ့ သမရိုးကျဝတ္တရားလေးတွေပါ။




တနေ့တာဖြတ်သန်းခဲ့တဲ့အချိန်တွေအားလုံးထဲမှာလောဘ၊ ဒေါသ၊ မောဟတွေနဲ့ မိသားစုအတွက်ရှာဖွေရုန်းကန်ခဲ့တဲ့ အချိန်တွေက မနက်ပိုင်းဘုရားစင်ရှေ့မှာ ခဏတာတရားဘာဝနာပွားတဲ့အချိန်ထက် အဆပေါင်းများစွာပိုပြီးများပါ တယ်။ အဲလိုတရားဘာဝနာပွားနေတဲ့ခဏတာအချိန်တိုတိုလေးအတွင်းမှာတောင် ကျွန်တော့်အနေနဲ့ အတ္တကင်းကင်း နဲ့တရားဘာဝနာမပွားနိုင်သေးဘူးလို့ကိုယ့်ကို ကိုယ်ဆင်ခြင်သုံးသပ်မိလိုက်ပါတယ်။ ဘာလို့အတ္တမကင်းနိုင်သေးဘူး လို့သုံးသပ်ရတာလည်းဆိုတော့ ဘုရားရှိခိုးအပြီးမှာကျွန်တော်တို့လိုချင်လို့ တောင်းတဲ့ဆုတွေကြောင့်ပါ။ ကျွန်တော်တို့ အားလုံးဘုရားရှင်ကိုရှိခိုးပြီး “ပူဆာ” နေကြလို့ပါ။ ကျွန်တော်ကိုယ်တိုင်အဲဒီအထဲမှာပါနေလို့ အတ္တကင်းကင်းနဲ့ တရား ဘာဝနာ မပွားနိုင်သေးဘူးလို့ကျွန်တော်အထက်မှာဝန်ခံခဲ့ပါတယ်။ ဇနီးသည်ရောသားရော ကျန်းမာချမ်းသာပါစေ၊ အ လုပ်အကိုင်တွေအဆင်ပြေချောမွေ့ပါစေ၊ စီးပွားလာဘ်လာဘတွေလည်းတိုးတက်ပါစေ၊ ကြံတိုင်းအောင်လို့ဆောင် တိုင်းလည်းမြောက်ပါစေ စသဖြင့်ပေါ့လေကိုယ်လိုချင်တဲ့ဆုတွေကိုတောင်းနေတာ ဘုရားရှင်ကို “ပူဇာ” ရာမရောက် ပဲ “ပူဆာ” သလိုဖြစ်နေတယ်လို့ယူဆမိလို့ပါ။ ကျွန်တော်တို့ဗုဒ္ဓဘာသာဝင်တော်တော်များများ သိသလိုလိုနှင့် လုပ် နေကြတဲ့အကြောင်းအရာလေးတွေပါ။ ဘုရားမှာအဓိဌာန်ဝင်တယ်၊ ကိုးန၀င်းအဓိဌာန်ပုတီးစိပ်ရင် စီးပွားရေး၊ လူ မှုရေးဘယ်လိုအဆင်ပြေမယ် စသဖြင့်အဲလိုတွေလုပ်နေကြတာဟာဘုရားရှင်ကို “ပူဇာ” တာမဟုတ်ပဲ “ပူဆာ” ရာရောက်နေပါတယ်။ ကျွန်တော်တို့အနေနဲ့တရားဘာဝနာပွားတဲ့အခါ၊ ဘုရားရှင်ကိုရှိခိုးပူဇော် တဲ့နေရာမှာ “ ပူဇာ ” နဲ့  “ ပူဆာ ” ကိုခွဲခွဲခြားခြားသိထား(သတိထား)သင့်ပါတယ်။




“ ပူဇာ ” သည်ပါဠိစကားလေးတခုဖြစ်ပါတယ်။ မြန်မာလိုပြန်မယ်ဆို“ အမြတ်တနိုးရိုသေခြင်းကို ပူဇာ ”လို့ခေါ်ပါ တယ်။ “ ပူဆာ ” သည်ပစ္စည်းတခုခုလိုချင်လို့တောင်ခံတာကို ပူဆာ လို့ခေါ်ပါတယ်။ ဥပမာမိဘထံမှာ လိုချင်တဲ့ ပစ္စည်းလေးတွေ့သောအခါမရမက၀ယ်ခိုင်းတာမျိုးကို (ပူဆာ) လို့ခေါ်ပါတယ်။ မြတ်စွာဘုရားရှင်သည် ပူဇော် (ပူဇာ) ထိုက်သောဘုရားရှင်သာဖြစ်ပါတယ်။ (ပူဆာ)ထိုက်သော ဘုရားတစ်ဆူမဟုတ်ပါဘူး။ ကျွန်တော်အပါအ၀င်မြန်မာ ဗုဒ္ဓဘာသာဝင်တော်တော်များများဟာမြတ်စွာဘုရားကိုတော့ ရှိခိုးကြပါတယ်။ ပူဇော် (ပူဇာ) သူကနည်းပြီး (ပူဆာ)  တဲ့သူတွေက များနေမယ်လို့ထင်ပါတယ်(ကိုယ်တိုင်လည်း ပူဆာ နဲ့မကင်းနိုင်ခဲ့ပါ)။ အခက်အခဲတခုခုဖြစ်လာရင် အရှင် ဘုရားဘာလေးဖြစ်ရပါလို၏၊ ညာလေးဖြစ်ရပါလို၏ ဆိုတဲ့အဲဒီလို (ပူဆာ) မျိုးတွေကိုအသိတရားလေးတွေ နဲ့ရှောင် ကျဉ်သင့်ပါတယ်။ မိမိကိုယ်တိုင်က ရတနာထိုက်အောင်နေရင် ရတနာအလိုလိုဆိုက်ပါတယ်။ နေ့စဉ်နေ့တိုင်းကောင်း ကျိုးတွေကိုလိုချင်ရင် မိမိကိုယ်တိုင်နေ့စဉ်နေ့တိုင်း ကောင်းမွန်အောင်နေထိုင်ဖို့ လိုအပ်ပါတယ်။ ဘုရားရှင်ထံမှာဘာမှ (ပူဆာ) နေစရာမလိုပါဘူး။ ကိုယ်ကိုတိုင်လိုက်နာကျင့်ကြံအားထုတ်မှရမှာပါ။ ဒီအသိလေးရလာတဲ့နောက်ပိုင်း ဘုရား ရှိခိုးရင် “ပူဇာ” ကနေ “ပူဆာ” မဖြစ်ရလေအောင်အမြဲတမ်းသတိတရားလေးထားတတ်လာပါတယ်။ ဒါကြောင့်မြန်မာ ဗုဒ္ဓဘာသာဝင်သူတော်ကောင်းများအနေနဲ့ မြတ်စွာဘုရားရှင်ကိုရှိခိုးပူဇော်တဲ့နေရာမှာ တကယ့်အစစ်အမှန် “ပူဇာ” (အမြတ်တနိုးရိုသေခြင်း ပူဇာ) နဲ့သာပူဇော်နိုင်ကြပါစေလို့ ဆန္ဒပြူလိုက်ပါ တယ်ခင်ဗျာ။





သူငယ်ချင်းညီအကိုမောင်နှမများအားလုံးဘ၀အမောတွေပြေကြပါစေ။


ရာဇာထွေး
read more

Tuesday, July 3, 2012

ကျွန်တော်နှင့် တီဘီ



“မျက်ကန်းတစ္တေမကြောက်” ဆိုတဲ့စကားပုံလေးကို အားလုံးကြားဖူးကြမှာပါ။ မျက်စိမမြင်တဲ့သူ တစ္တေသရဲ ကိုမကြောက်သလို အန္တရာယ်ရှိမှန်းမသိရင်လည်း အဲဒီအရာကိုအန္တရာယ်လို့မသတ်မှတ်ပဲဖာသိ ဖာသာနေ တတ်တဲ့သဘောပါ။ ကျွန်တော်အခုပြောချင်တာက ကူးစက်လွယ်တဲ့ တီဘီရောဂါအကြောင်းလေးပါ။ အား လုံးသိပြီးဖြစ် သလိုမသိသေးတဲ့သူတွေအတွက်လည်းဗဟုသုတဖြစ်ရလေအောင် ကျွန်တော့်လိုလည်းမျက် ကန်း တစ္တေတွေ မဖြစ်ရလေအောင် ဗဟုသုတအဖြစ်ရေးသားတင်ပြပေးလိုက်တာပါခင်ဗျာ။


ကျွန်တော့်သူငယ်ချင်းရဲ့တူလေးတယောက်ကမလေးရှားရောက်လာတာ ၆ လ၀န်းကျင်သာရှိပါသေးတယ်။ သူငယ်ချင်းကတော့ လွန်ခဲ့တဲ့ ၅ လလောက်က တတိယနိုင်ငံကိုအပြီးထွက်သွားကြပြီမို့ သူတို့ကိုယ်စား သူ့ တူ လေးကိုကြည့်ရှု့ထားပေးဖို့အပ်ခဲ့ပါတယ်။ နေတဲ့အိမ်ကလည်းကပ်ရပ်ဖြစ်တာကတစ်ကြောင်း၊ အနေအေး တဲ့ သူမို့လည်း ကျွန်တော်အလွယ်ပဲလက်ခံခဲ့ပါတယ်။ သူနဲ့ကျွန်တော်အလုပ်သွားရင်အမြဲတမ်းတွေ့နေကြပါ။ လွန်ခဲ့တဲ့တလလောက်ကတော့ နေမကောင်းဖြစ်လို့ဆေးခန်းသွားပြလိုက်လို့ နေကောင်းသွားပေမယ့်ချောင်း ဆိုးတာတော့ရပ်မသွားပဲ တောက်လျှောက်ဆိုးနေတာတွေ့ရပါတယ်။ သူချောင်းဆိုးနေတာကို ရိုးရိုးချောင်း ဆိုးတယ်ပဲ ကျွန်တော်ထင်နေခဲ့တာပါ။ ထင်လည်းထင်ချင်စရာပါ။ နေပြန်ကောင်းလာပြီးနောက်ပိုင်း အ ချိုတွေ အရမ်းစားသလိုနို့ဆီတွေပေါင်မုန့်တွေ အမြဲစားတာတွေ့လို့ကျွန်တော် တားတောင်ယူရပါတယ်။ ဒါကြောင့် သူချောင်းဆိုးတာသာမန်လို့ ကျွန်တော်ထင်ခဲ့တာပါ။ တစ်ရက်မှာတော့ ကျွန်တော့်အခန်းတံခါး လာခေါက်လို့ ကျွန်တော်သွားဖွင့်ပေး လိုက်တော့သူပါ။ မျက်နှာကလည်းဖြူဖတ်ဖြူရော်၊ နှာခေါင်းနဲ့ ၀တ်ထား တဲ့အင်္ကျီ မှာလည်းသွေးစတွေနဲ့မို့ရန်ဖြစ်လာသလားလို့ ကျွန်တော်ထင်မိပါတယ်။ ပုံမှန်ဆို ကျွန်တော့်အိမ်သူ မလာတတ်ပါဘူး။ အခုလိုထူးထူးခြားခြား ရောက်လာတာမို့ “ကျော်ကျော်ဘာဖြစ်လာတာလည်း” လို့ ကျွန်တော်မေးတော့“ ကျွန်တော်ခုနချောင်းဆိုးရင်း သွေးတွေပါလာလို့အကို… နောက်ပြီးခဏ နေတော့ လည်ချောင်းဝမှာ ပျို့ပြီးအန်ချင်လာတယ်… အန်လိုက်တော့ သွေးတွေပဲအကို” လို့ပြောလည်းပြောချောင်း လည်းဆိုးလို့ လက်ဆေး basin မှာသွားပြီးသူ အန်ပါတော့တယ်။ ချောင်းဆိုးလိုက် သွေးအန်လိုက်နဲ့ ကျွန်တော့်အထင် ၁လီတာနီးပါးလောက်ရှိမယ်ထင်ပါတယ်။ ကျွန်တော် တော်တော်လေးစိုးရိမ်သွားသလို သူ လည်းတော်တော်လေးကြောက်နေပါတယ်။ ကျွန်တော်လည်းချက်ချင်းကေအယ် ကမြန်မာဆေးခန်းကိုပြေးရ ပါတော့တယ်။ ဆေးခန်းရောက်တဲ့အချိန်သူ့အခြေအနေကို ဆရာဝန်ကိုရှင်းပြတော့ ဆရာဝန်ကဘာမှတောင် မစစ်ပါဘူး…“ခင်ဗျားလူနာကိုဆေးရုံသာခေါ်သွားလိုက်ပါ…ကျွန်တော့်ဆေးခန်းအနေနဲ့ တော့ဘာထောက်ခံ ချက်မှမရေးပေးဘူးနော်” ဆိုပြီဆေးရုံကိုသွားခိုင်းပါတယ်။ ကျွန်တော့်စိတ်ထဲမှာတော့ နည်းနည်း စပ်ဖျင်း ဖျင်းဖြစ်သွားပါတယ်။ နားကြပ်လေးနဲ့လူနာကို စမ်းတာလေးတောင်မလုပ်ပါဘူး။ ဆေးရုံကိုတန်း သွားပါတဲ့၊ မသကာသူ့အနေနဲ့ လူနာရဲ့အခြေအနေလေးကို ဆေးစာသဘောမျိုးလေးရေးပေးရင်တောင်လူနာ အတွက် အရေးပေါ်ဌာနကိုသွားဖို့ အများကြီးအထောက်အကူရလို့ ကျွန်တော်ကျေးဇူးတောင်တင်မိမှာပါ။ အခုတော့ မျက်နှာလွဲခဲပစ်သလိုပါ။ နောက်ပြီးလူနာကလည်း တရားဝင်နေထိုင်တာမဟုတ်လို့ သူတို့လုပ်မပေးချင်တာ လားမသိပါဘူး။ အင်း................. ဒါပေမယ့် ဆက်မပြောတော့ပါဘူး။


ဆေးရုံသွားဖို့ကိစ္စ ကျွန်တော် တော်တော်ခေါင်းခြောက်သွားပါတယ်။ လူနာကအိုဗာစတေးနေထိုင်သူမို့ တရားဝင်နေထိုင်ကြောင်း ဘာစာရွက်၊ စာတမ်းအထောက်အထားမှ မရှိတာကတစ်ကြောင်း၊ ဆေးခန်းတစ်ခု ရဲ့ထောက်ခံချက်မပါပဲ ဆေးရုံသွားရင် တော်တော်လေးအခက်ခဲ ဖြစ်တတ်တာကတစ်ကြာင်းမို့ ကျွန်တော် တော်တော်လေးစိတ်ညစ် သွားပါတယ်။ သူ့အတွက်ဆေးခန်းထောက် ခံချက်နဲ့အထောက် အ ထားလေးတခုခုလိုအပ်နေတာအမှန်ပါ။ လူနာကိုကြည့်တော့ သွေးအန်ပြီးသွားရင် ပုံမှန်ပါ။ ချောင်းတော့ မ ကြာမကြာဆိုးပါတယ် သွေးလည်းပါပါတယ်။ သူ့ ကိုဘယ်လိုနေလည်းမေးတော့ ဘာမှမခံစားရကြောင်း၊ နာ တာကျင်တာလည်းမရှိကြောင်း၊ လည်ချောင်းယားပြီး ချောင်းဆိုတာလောက်ပဲလို့ဖြေပါတယ်။ ဒါကြောင့်သူ့ ကိုအိမ်မှာပြန်နားပြီးနေဖို့ပြောရပါတယ်။ သူ့အတွက်လိုအပ် တဲ့စာရွက်၊ စာတမ်းလေးလုပ်ပေးဖို့ အဲဒီနေ့အဖို့ အချိန်မရတော့ပါဘူး။ ကျွန်တော်လည်း ညနေဖက်အလုပ်ပြန်ဝင် ရင်းသူ့အတွက်ဘယ်လိုလုပ်ရရင် ကောင်း မလည်းလို့ သူငယ်ချင်းတွေ ဆီဖုန်းဆက်မေးကြည့်တော့ သူငယ်ချင်းတယောက်က Puchong (ပူချုန်း) မှာ ရှိတဲ့ မြန်မာအဖွဲ့အစည်းတခု (အမည်များကိုတော့မဖော်ပြတော့ပါဘူး။ မလေးမှာနေတဲ့ လူတော်တော် များ များနဲ UNHCR လက်မှတ်ကိုင်ထားကြတဲ့သူတွေသိကြမှာပါ) မှာအကူအညီ တောင်းကြည့်ပါလား လို့အ ကြံပေးပါတယ်။ နောက်နေ့မနက် ကျွန်တော်အလုပ်ကနေအိမ်ပြန်ပြီး ရေမိုးချိုးပြီး အဲဒီ လူနာကောင်လေး ကိုခေါ် Puchong (ပူချုန်း) ကိုသွားပြီး အဲဒီအဖွဲ့အစည်းကို အကျိုးအကြောင်းပြောလို့ အကူအညီတောင်းရ ပါတော့တယ်။ သူတို့ရှေ့မှာတင် ချောင်းဆိုးပြီးသွေးတွေပါနေတာတွေ့လို့ချက်ချင်းပဲ လိုအပ်တဲ့စာရွက်၊ စာ တမ်း နဲ့သူတို့အဖွဲ့အစည်းရဲ့ကဒ်တွေ ထုတ်ပေးပါတယ်။ တဆက်ထဲမှာပဲသူတို့က Jalan Padang Belia (Brickfields) မှာရှိတဲ့ (ACTS CLINIC) ကိုသွားဖို့လမ်းညွန်ပေးလိုက်ပါတယ်။ အဲဒီဆေးခန်းက အခ မဲ့ဆေးကုသပေး တဲ့ဆေးခန်းပါ။ ဆရာဝန်ကလွဲရင် ကျန်ဝန်ထမ်းအားလုံး မြန်မာတိုင်းရင်းသားတွေပါ။ ဒုက္ခ သည်တွေအတွက် ရည်ရွယ်ပြီးဖွင့်ထားတဲ့ အခမဲ့ဆေးခန်းပါ။ ကျွန်တော်တို့လည်း လိုအပ်တဲ့အထောက် အ ထားလေးတွေလည်းရပြီမို့ ကေအယ်မှာရှိတဲ့ အဲဒီ (ACTS) ဆေးခန်းကိုဆက် ပြီးပြေးရပါတယ်။ ဖြစ်ချင်တော့ တနင်္ဂနွေမို့ ဆေးခန်း ကနေ့ဝက်ပဲဖွင့်ပါတယ်။ ကျွန်တော်တို့ရောက်တော့ ဆေးခန်းကပိတ်သွားပါပြီ။ “ ကျော်ကျော်နေလို့သက်သာလား... သက်သာရင်မနက်ဖြန်ကျမှလာလိုက်ကြတာပေါ့ ”လို့ ကျွန်တော် ဆိုတော့ ကောင်လေးကနေသာကြောင်း၊ မနက်ဖန်မှထပ် လာမယ်ဆိုတာနဲ့ သူ့ကိုအိမ်ပြန်ပို့ပြီး ကျွန်တော် လည်းအလုပ်ကို တန်းဝင်ရပါတယ်။


မနက် ၈ နာရီခွဲလောက်မှာ ဆေးခန်းရောက်ပါတယ်။ ၉ နာရီမှာ ဆေးခန်းဖွင့်ပါတယ်။ တုံကင်နံပါတ်ယူပြီး ၁၀ နာရီလောက်မှာ ဆရာဝန်နဲ့တွေ့ရပါတယ်။ နိုင်ငံခြားသား ဆရာဝန်တယောက်လို့ထင်ပါတယ်။ သူကအင်္ဂ လိပ်လို ပြောပါတယ်။ လူနာနဲ့ဆရာဝန်ကြားမှာ စကားပြန်ထားပေးတော့ တော်တော်အဆင်ပြေပါတယ်။ လိုအပ်တဲ့စမ်းသပ်မှုတွေလုပ်ပြီး သောက်ဆေးပေးပါတယ်။ မနက်ဖန်ပြန်လာပြီး ဓါတ်မှန်ရိုက်ဖို့၊ သွေးစစ်ဖို့ သူ ချိန်းလိုက်ပါတယ်။ အင်း ကျွန်တော်သွားခဲ့တဲ့ မြန်မာဆေးခန်းနဲ့တော့ အပုံကြီးကွာပါတယ် ခင်ဗျာ။ နောက်နေ့ မနက်၁၀နာရီလောက်မှာ ဆေးခန်းမှ အကူကောင်လေးတယောက်ကဦးဆောင်လို့ လူနာတချို့ကို ဓါတ်မှန် ရိုက်၊ သွေးစစ်၊ သလိပ်စစ်ဖို့တ ခြားဆေးရုံတခုကိုခေါ်သွားပါတယ် (ဆေးရုံအမည်ကိုမသိခဲ့ရပါဘူး)။ ညနေ ၂နာရီလောက်မှာ အားလုံးကိစ္စပြီးလို့ ဆေးခန်းကို တခေါက်ပြန်လာခဲ့ပါတယ်။ ဆေးစစ်ချက်အဖြေတွေ ကို ဆရာဝန်မှစစ်ဆေးပြီး မနက်ဖန်ပြန်လာရန် ရက်ချိန်းထပ်ပေးပါတယ်။ နောက်တရက်ဆေးခန်းရောက်တော့ ဆရာဝန်မှ ဆေးရုံသို့သွားရန်ညွန်ကြားပါတယ်။ သွားရမယ့်ဆေးရုံကိုလည်း ဆေးခန်းမှလိုက်ပို့ပေးပါတယ်။ Jalan Pahang (ဂျလမ်း ပါဟမ်း) မှာရှိတဲ့ IPR (Institut Perubatan Respiratori) ကိုသွားရပါတယ် …မြန်မာလိုအလွယ်ခေါ်ရရင် အဆုတ်ရောဂါကု ဆေးရုံပေါ့။ အဲဒီမှာတခါ လိုအပ်တဲ့ဆေးစစ်ချက်တွေအပြင်၊ ဓါတ်မှန်ပါ တခါထပ်ပြီး ရိုက်ရပါတယ်။ ၁၁. ၀၅. ၂၀၁၂ ကိုဆေး ရုံကိုလာဖို့ ရက်ချိန်းပေးလိုက်ပါတယ် ။ ဆေး ခန်းမှာပိုက်ဆံမကုန်ခဲ့သလို အခုဆေးရုံမှာလည်း ဓါတ်မှန်၊ သွေးစစ်၊ သလိပ်စစ်အတွက် မလေးငွေ ရင်းဂစ် ၃၀ သာကုန်ခဲ့ပါတယ်။ တော်တော်လေး သက်သာတဲ့နှုန်းထားပါခင်ဗျာ။


ဆေးရုံကပေးလိုက်တဲ့ ရက်ချိန်းနေ့မနက် ၁၀နာရီလောက်ဆေးရုံ ရောက်ပါတယ်။ ဆေးရုံတခါထဲတက်ရပါ တယ် ။ ကောင်လေးက မလေးလိုရော အင်္ဂလိပ်လိုပါ ကောင်းကောင်းမပြောတတ်တာမို့ ကျွန်တော်မနက် တိုင်းဆေးရုံ သွားရပါတယ်။ (အန်တီတင့် မလေးရောက်တဲ့ရက်တွေမှာ ကျွန်တော်ဆေးရုံရောက်နေတာဖြစ် သလို၊ အလုပ်က ညဖက်အလုပ်၊ မနက်မိုးလင်းရင်ဆေးရုံသွားမို့ အိပ်ရေးတွေတော်တော်ပျက် ထားလို့လာ မတွေ့နိုင်တာပါ အန်တီရေ)။ တီဘီရောဂါလို့ ဆရာဝန်ပြောပါတယ်။ သူနဲ့တစ်အိမ်ထဲနေတဲ့သူတွေ၊ သူနဲ့အ လုပ်အတူလုပ်တဲ့ သူတွေအားလုံး တီဘီရောဂါရှိ၊ မရှိဆေးစစ်ခိုင်းပါတယ်။ ကျွန်တော်လည်း သူနဲ့တ ပတ်ကျော်လောက် အတူသွားလာနေတာမို့ ဆရာဝန်က ဆေးစစ်ဖို့ပြောလာပါတယ်။ ဒီနေရာမှာကျွန်တော် တခုသွားပြီးသိလိုက်ရတာက တီဘီရောဂါဟာ အဲဒီလောက်ကူး စက်မြန်ပါလားဆိုတာပါပဲ။ အရင်ကသေ ချာမသိတော့ ကျွန်တော်ကြောက်ရကောင်းမှန်းတကယ် မသိခဲ့ပါဘူး။ အခုမှဆရာဝန်နဲ့ နေ့တိုင်းနီး ပါးတွေ့တော့ ဆရာဝန်ရှင်းပြမှ ဒီတီဘီရောဂါအကြောင်းကို သေသေချာချာ သိခွင့်ရလိုက်တော့မှ ကျွန်တော် တော်တော်ကြောက်သွားပါတယ်။ အရင်ကတော့ မျက်ကန်းတစ္တေမကြောက် ပေါ့ခင်ဗျာ။ အခုတော့ ကြောက်သွားပါပြီ။ ဆရာဝန်ရဲ့ထောက်ခံချက်နဲ့ လူနာကောင်လေးနဲ့ တစ်အိမ်ထဲနေသူတွေ အပြင် ကျွန်တော်ပါ တီဘီရောဂါပိုးရှိ၊ မရှိဆေးရုံမှာဆေးစစ်ရပါတယ်။ အားလုံးရောဂါမရှိသလို တီဘီရောဂါအ တွက်ဆေးစစ်ခ တပြားတချပ်မှမပေးခဲ့ရလို့ နှစ်ထပ်ကွမ်း ၀မ်းသာမိပါတယ်ခင်ဗျာ။ လူနာကောင်လေး လည်း ဆေးရုံ၁၀ရက်တက်လိုက်ရပြီး ၂၁ ရက်နေ့ဆေးရုံကဆင်းပါတယ်။ ဆေးဝါးကုသခ တပြားတချပ်မှ မပေးခဲ့ရပါဘူး ခင်ဗျာ။ အဲဒီဆေးရုံရောက်မှ တီဘီရောဂါနဲ့ ပတ်သတ်ပြီးကြောက်စရာကောင်းကြောင်း၊ မိမိပတ်ဝန်းကျင်မှာ တီဘီရောဂါဝေဒနာသည် တယောက်ရှိနေရင် ဘယ်လိုကူးစက်ပြန့်ပွားလွယ်တယ်၊ ဘယ်လိုကာကွယ်ရမယ် ဆိုတာတွေကိုသိလာခဲ့ပါတယ်။ ဒါကြောင့်ကျန်းမာရေးနဲ့ ပတ်သတ်ပြီး ကျွန်တော် တို့အားလုံးမျက်စိတွေ၊ နားတွေဖွင့်ထားကြရပါမယ်။ မျက်ကန်း တစ္တေမကြောက် တွေမဖြစ်ရလေအောင် ကျွန်တော်သိလာခဲ့တဲ့ တီဘီရောဂါ အကြောင်းလေးဖြန့်ဝေချင်ပါတယ်။


အဆုတ်နာရောဂါ(တီဘီ)ဆိုတာဘာလည်း?

အဆုတ်နာရောဂါ ဒါမှမဟုတ် တီဘီရောဂါဟာ လူတယောက်ကနေ တယောက်ကို လေထဲကနေပြန့်ပွား သွား တဲ့ ရောဂါပိုးတွေကြောင့် ဖြစ်ပေါ်တတ်တဲ့ ရောဂါတမျိုးဖြစ်ပါတယ်။ ဒီရောဂါကို အချိန်မှီဆေးမကုသရင် အသက်သေ ဆုံးနိုင်ပါတယ် ခင်ဗျာ။


တီဘီရောဂါဘယ်လိုကူးစက်တတ်သလည်း?

တီဘီရောဂါပိုးရှိသူ တယောက်က ချောင်းဆိုးရင်၊ နှာချေရင်၊ သီချင်းဆိုရင်၊ တံတွေးထွေးရင် ဒါမှမဟုတ် ရယ် လိုက်ရင် သူ့ရဲ့တီဘီပိုးတွေဟာ လေထဲမှာပြန့်နှံ့သွားပါတယ်။ အဲဒီတီဘီပိုးတွေရှိတဲ့လေကို တခြားလူတွေ ကရှုမိတဲ့အခါ အဲဒီတီဘီရောဂါကို ရသွားတတ်ပါတယ်။ အင်မတန်သတိထားရမှာပါ။


ဘယ်သူတွေတီဘီရောဂါဖြစ်ကြသလည်း?

ကမ္ဘာတ၀ှမ်းလုံးမှာ လူပေါင်းခြောက်ဘီလီယံနီးပါး တီဘီဖြစ်စေတဲ့ ဘက်တီးရီးယားရှိနေတယ်လို့ ကမ္ဘာ့ကျန်း မာရေးအဖွဲ့ (WHO)ကခန့်မှန်းထားပါတယ်။ နှစ်စဉ်လည်း ကမ္ဘာတ၀ှမ်းမှာ လူပေါင်းနှစ်သန်းလောက် တီ ဘီရောဂါ ကြောင့်သေဆုံးကြပါတယ်။ ဒီတီဘီရောဂါရှိသူတွေနဲ့ နေ့စဉ်ထိတွေ့ဆက်ဆံနေတဲ့ လူတွေ အနေနဲ့ ရောဂါကူးစက်ဖို့ အန္တရာယ်ရှိပါတယ်ခင်ဗျာ။ အဲဒီအထဲမှာ မိသားစုဝင်တွေ၊ တစ်အိမ်ထဲအတူနေတဲ့ သူတွေ၊ အတန်းဖော် တွေ၊ လုပ်ဖော်ကိုင်ဖက်တွေ ပါပါတယ်။


ထကြွခြင်းမရှိတဲ့ရှိတဲ့တီဘီနဲ့ ထကြွခြင်းရှိတဲ့တီဘီရောဂါဘယ်လိုကွာခြားသလည်း?

ထကြွခြင်းမရှိတဲ့ တီဘီရောဂါရှိနေသူတွေမှာတော့ ခန္ဓာကိုယ်ထဲမှာ တီဘီဖြစ်စေတဲ့ ဘက်တီးရီး ယားတွေရှိနေပေမယ့် ဒီဘက်တီးရီးယားတွေက ထကြွနေခြင်းမရှိဘဲ ဝေဒနာရှင်တွေ ကလည်းဖျားနာခြင်း မဖြစ်ကြပါဘူး။ ထကြွခြင်းမရှိတဲ့ တီဘီရောဂါရှိသူတွေက တခြားသူတွေကို ရောဂါမကူးစက်တတ်ပေမယ့် မကြာခင်မှာ တီဘီရောဂါ ထကြွလာနိုင်ပါတယ်။


ထကြွနေတဲ့ တီဘီရှိနေသူတွေကတော့ တီဘီရောဂါရှိနေပါပြီ။ ဆိုလိုတာက တီဘီရောဂါဖြစ်စေ တဲ့ဘက် တီးရီးယားတွေက တက်တက်ကြွကြွပွားများနေကြပြီး ခန္တာကိုယ်ထဲကတစ်သျှူးတွေကို ဖျက်ဆီးနေပါတယ်။ ဒါကြောင့် သလိပ်မှာသွေးပါတာ၊ သွေးအန်တာတွေဖြစ်လာတာပါ။ ကျွန်တော့် ကောင်လေးရဲ့ရောဂါက ထ ကြွတဲ့ တီဘီရောဂါပေါ့ ခင်ဗျာ။ သူတို့တွေဟာ တခြားသူတွေ ပြန့်ပွားကူးစက်လွယ်ပါတယ်။


ဆေးမတိုးသောတီဘီရောဂါ?

တီဘီဆေးတွေ မတိုးရခြင်းအကြောင်းကိုဆရာဝန်က အခုလိုရှင်းပြပါတယ်။ တီဘီရောဂါရှိသူတွေ ဟာ ဆရာဝန်ညွန် ကြားတဲ့အတိုင်းဆေးကို မှန်မှန်တစ်ရက်မပျက်ပဲ ကုန်အောင်စားရပါမယ်။ ဘာ အကြောင်းကြောင့်ဖြစ်စေ ဆေးသောက်ခြင်းတစ်ရက်ပျက်ကွက်သွားရင် တီဘီပိုးဟာသောက် လက်စဆေး အပေါ်မှာခံနိုင်ရည်ရှိသွားပြီး အားကောင်းတဲ့တီဘီပိုး ဖြစ်သွားတတ်ပါတယ်။ ဒါကြောင့် ပထမဆုံးဆေးပတ် လည်အောင်မသောက်ခဲ့ရင် ဆေးဒဏ်ကိုခံနိုင်ပြီး အားကောင်းတဲ့တီဘီပိုးကို ပိုပြီးပြင်းတဲ့ဆေးတမျိုးနဲ့ အချိန်အကြာကြီး ဆက်လက်သောက်သုံးရမှာပါ။ ဒါကြောင့်တီဘီရောဂါသည်တွေအနေနဲ့ ပထမဦး ဆုံးဆေးပတ်ကို ဂရုတစိုက်မှန်မှန်သောက်သုံးသွားပါက ၆လအတွင်းပျောက်ကင်းနိုင်ပြီး၊ ပျက်ကွက်ခဲ့ မယ်ဆိုရင် အချိန်တွေ၊ ငွေတွေပိုကုန်သွားသလို လူအသက်အန္တရာယ်တောင် စိုးရိမ်ရတဲ့ ဆေးမတိုးတဲ့ တီဘီရောဂါဖြစ်သွားတတ်ကြောင်း သေချာရှင်းပြလို့ သိခွင့်၊ မှတ်သားခွင့်ရခဲ့ပါတယ်။


တီဘီရောဂါကိုကုသလို့ရနိုင်ပါသလား?

ဒီတီဘီရောဂါကို ပျောက်ကင်းအောင် ကုသလို့ရနိုင်ပါတယ်ခင်ဗျာ။ ကုသဖို့အချိန်နဲ့ လူနာအနေနဲ့ ဆေးမှန် မှန် သောက်ဖို့တော့လိုပါတယ်။ ဆရာဝန်ညွန်ကြားတဲ့အတိုင်း ရောဂါအခြေအနေပေါ်မူတည်ပြီး ၆လမှ ၁၂လ အထိ တစ်ရက်မပျက်ဆေးသောက်ရပါမယ်။ အရေးအကြီးဆုံးမှာ လူနာအနေနဲ့ဆေးကိုတစ်ရက်မပျက်ပုံ မှန်သောက်သွားဖို့ ပါ။ နောက်ဆုံးအနေနဲ့ပြောချင်တာကတော့ မိမိအနေနဲ့ တီဘီရောဂါရှိတယ် လို့ထင်တဲ့ သူတယောက်နဲ့ နီးနီးကပ်ကပ် ဆက်ဆံနေထိုင်ခဲ့ဘူးမယ်ဆိုရင် ဒါမှမဟုတ် ၂ပတ်ကျော်လောက် ချောင်း တဟွတ်ဟွတ်ဆိုးနေတာ မပျောက်ခဲ့ဘူးဆိုရင် တီဘီရောဂါစစ်ကြည့်ဖို့ တိုက်တွန်းချင်ပါတယ်ခင်ဗျာ။



သူငယ်ချင်း ညီအကိုမောင်နှမတွေ အားလုံးတီဘီရောဂါကင်းဝေးပြီး ဘ၀အမောတွေပြေကြပါစေ။

ရာဇာထွေး
read more

Sunday, July 1, 2012

ကဗျာချစ်သူ



ကဗျာချစ်သူ

ကဗျာလေးတွေကို ချစ်တယ်
ကဗျာချစ်တဲ့ သူတွေကိုလည်းချစ်တယ်
ခံစားချက်တွေကိုဖွင့်ဟလို့ရတာ ကဗျာ
ကဗျာဟာ ခံစားချက်ရှိသူတို့ရဲ့ ရင်ဖွင့်ရာနေရာ
ခံစားချက်တွေနဲ့ ရေးဖွဲ့သီကုန်းတဲ့ စာ
ကဗျာ...။

ရင်မှ ဝေဒနာ
ကာရံ မလှ စာစီမကျ ပေမယ့်
ခံစားသူရင်ကို အေးမြ လှပစေတာ
ကဗျာ...။

တွေ့ကြုံလာကြ လောကဓမ္မတာ
စိတ်မှာ ဈာန်သွင်း ရေးဖွဲ့ နိုင်တာ
ကဗျာ...။

လွတ်လပ်စွာ တွေး
လွတ်လပ်စွာ ရေး
လွတ်လပ်စွာ ခံစားနိုင်တာ
ကဗျာ...။

ကဗျာ ဆရာမဟုတ်ပါ
ကဗျာ ချစ်သူပါ
ကဗျာ ကိုမရေးတတ်ပါ
ကဗျာ ကိုခံစားတတ်ခြင်းပါ
ကဗျာ အကြောင်းကိုနားမလည်ပါ
ကဗျာ ကပြောတဲ့စကားသာနားလည်ခြင်းပါ
ဤသို့ကြောင့် ကဗျာ လေးတွေ ကို ချစ်သည်..။



သူငယ်ချင်းတွေကဗျာရေးတာအားကျမိတယ်... ကျွန်တော်က ကဗျာပဲဖတ်တတ်တာမရေးတတ်ပါဘူး... အခုရေးထား တာလေးကသူငယ်ချင်းတယောက်ရေးတဲ့ကဗျာလေးတပုဒ်မှာ ကွန်မန့်ပေးဖို့ရေးထားတဲ့ ကွန်မန့်လေးပါ... ကျွန်တော့် ဘလော့မှာတော့ ကဗျာလေးအဖြစ်ပြန်ရေးထားတာပါ... ကဗျာမဟုတ်တဲ့ကဗျာမပီသတဲ့ ကဗျာလေးပါ...။



သူငယ်ချင်းညီအကိုမောင်နှမများအားလုံး ဘ၀အမောတွေပြေကြပါစေ ခင်ဗျာ...။


ရာဇာထွေး

read more
“ သင့်ရဲ့စကားလေးတစ်ခွန်းက နေ့သစ်တွေအတွက် အားဆေးလေးတစ်ခွက်ပါ”... သူငယ်ချင်း ညီအကိုမောင်နှမများအားလုံးဘ၀ အမောတွေပြေ ကြပါစေခင်ဗျာ...
“ Blog မိတ်ဆွေ၊ သူငယ်ချင်း၊ ညီအကို မောင်နှမများ..”

Color Code ယူရန်: