Tuesday, July 16, 2013

ဗေဒါလမ်း (၂) – မယ့်လမ်းပါတဲ့



မယ့်လမ်းပါတဲ့


ဒီချောင်းမှာရွှင်၊ ဗေဒါခင်ပြာလဲ့
စံပယ်ကို ယမယ်ဖွဲ့ (ယိုးမယ်ဖွဲ့) ကမ်းကပ်ချင်ခဲ့။

ဒီချောင်းမှာရွှင်၊ ဗေဒါခင်ပြာလဲ့
ပျိုမယ်ကို ယမယ်ဖွဲ့၊ ကမ်းကပ်ချင်ခဲ့။

ဒီချောင်းမှာရွှင်၊ ဗေဒါခင်ပြာလဲ့
စေတီငယ်ယမယ်ဖွဲ့၊ ကမ်းကပ်ချင်ခဲ့။


လင်းယဉ်နွဲ့ တချီချီ
ကျူရိုးရှင်သူ့စကား၊ နားကျခဲ့ပြီ
ကျွတ်ဆုမြတ် စလွယ်ချည်၊ ဗေဒါရီပြာလဲ့။

စုန်ချည် ဆန်ချည်နဲ့
ဒီချောင်းရေ ဗေဒါလမ်း၊ မယ့်လမ်းပါတဲ့။ ။




ဇော်ဂျီ
(ရန်ကုန်တက္ကသိုလ် နှစ်လည်စာစောင်၊ ၁၉၅၇ – ၁၉၅၉)




မှတ်ချက်။  ။ နှစ်သက်မိသော ဆရာဇော်ဂျီရဲ့ “ဗေဒါလမ်းကဗျာ” လေးများပါခင်ဗျာ။ ကျွန်တော့်ရဲ့ဘလော့လေးထဲမှာ အမှတ် တရသိမ်းထားချင်တာမို့ ဆရာဇော်ဂျီရဲ့ “ဗေဒါလမ်းကဗျာစာစု” များစာအုပ်မှ ကူးယူရေးသားဖော်ပြထားခြင်း ဖြစ် ပါတယ်ခင်ဗျာ။ စာအထား၊ အသို နှင့် စာလုံးပေါင်း အမှားအယွင်း များရှိခဲ့ပါက ကျွန်တော့်ရဲ့ ပေါ့ဆမှုအမှားများ သာဖြစ်ကြောင်းပါခင်ဗျာ ။


ရာဇာထွေး





 



read more

Saturday, July 13, 2013

ဘုရားရှင်မှ ရှင်ရာဟုလာကိုပေးတဲ့ သြ၀ါဒ

















“ အပြု (ကာယကံ) ”

ပြုမည်ကြံလဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိမည်လဲ။ 
ထိခိုက်နိုင်ငြား၊ အပြုများ၊ မမှားရှောင်ကြဉ်ပါ။

ပြုဆဲမှာလဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိသလဲ။ 
ထိခိုက်နိုင်ငြား၊ အပြုများ၊ မမှားရှောင်ကြဉ်ပါ။

ပြုပြီးပြန်လဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိပြီလဲ။ 
ထိခိုက်နိုင်ငြား၊ အပြုများ၊ မမှားရှောင်ကြဉ်ပါ။ 



“ အပြော (၀စီကံ) ”

ပြောမည်ကြံလဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိမည်လဲ။ 
ထိခိုက်နိုင်ငြား၊ အပြောများ၊ မမှားရှောင်ကြဉ်ပါ။

ပြောဆဲမှာလဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိသလဲ။ 
ထိခိုက်နိုင်ငြား၊ အပြောများ၊ မမှားရှောင်ကြဉ်ပါ။

ပြောပြီးပြန်လဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိပြီလဲ။ 
ထိခိုက်နိုင်ငြား၊ အပြောများ၊ မမှားရှောင်ကြဉ်ပါ။ 



“ အတွေး (မနောကံ) ”

တွေးမည်ကြံလဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိမည်လဲ။ 
ထိခိုက်နိုင်ငြား၊ အတွေးများ၊ မမှားရှောင်ကြဉ်ပါ။

တွေးဆဲမှာလဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိသလဲ။ 
ထိခိုက်နိုင်ငြား၊ အတွေးများ၊ မမှားရှောင်ကြဉ်ပါ။

တွေးပြီးပြန်လဲ၊ သင့်စိတ်ထဲ၊ အမြဲဆင်ခြင်ပါ။ 
မိမိ သူတပါး၊ နှစ်ဦးသား၊ ဘယ်သူ့များ ထိပြီလဲ။ 
ထိခိုက်နိုင်ငြား၊ အတွေးများ၊ မမှားရှောင်ကြဉ်ပါ။ 


                                  (ချမ်းမြေ့ဆရာတော်)




မှတ်ချက်။   ။ “ချမ်းမြေ့ဆရာတော်” ၏ (ဓမ္မကဗျာပဒေသာ စာအုပ်မှ) ပြန်လည်ကူးယူဖော်ပြပါသည်။


ရာဇာထွေး
read more

Friday, July 12, 2013

လောကနီတိ- ၂၀



သူယုတ်မာကို အချစ်မလွန်ရာ။
သူယုတ်မာသည် ထိပ်တင်ခေါင်းရွက် မြှောက်စားခံရသော်လည်း မချေမငံ ဆူဆူညံညံ ပြုတတ်၏။
Do not love the unvirtuous too much.
Even though praised highly, the wicked may act impolitely and boisterously.



မြွေသည် အမျက်လွန်၏။
မြွေထက် သူယုတ်မာသည် ပို၍ အမျက်လွန်၏။
မြွေကို မန္တာန်ဆေးဝါးဖြင့် ငြိမ်းစေနိုင်သော်လည်း သူယုတ်မာကို ငြိမ်းစေနိုင်သည့် ဆေးမရှိချေ။
The snake is extreme in anger.

The wicked is more furious than the snake.
Though the snake can be subdued by charm and drugs , there is no remedy for
subduing of the wicked.



မိမိမိုက်လျက် မိုက်မှန်းသိသူကို ပညာရှိဟု ဆိုအပ်၏။
မိမိမိုက်လျက် ပညာရှိဟု အထင်ရောက်သူကိုမူ သူမိုက်ဟု ဆိုအပ်၏။
One who knows himself of his foolishness, may be said to be the wise.
One who thinks of himself as the wise even though he is foolish may be said to be the foolish.



သူမိုက်သည် သူပြုခဲ့သော မကောင်းမှုများ အကျိုးမပေးသေးသမျှ အကုသိုလ်ကို ပျားရည်ဟု တွေးထင် တတ်၏။
သူပြုသောမကောင်းမှုကြောင့် ဆိုးကျိုးများ ကျရောက်ချိန်တွင်မူကား ဆင်းရဲဒုက္ခ ရောက်ရတော့၏။
The foolish thinks his evil deeds as honey so long as there occurs no due results for his evil deeds.
When bad results occured due to his evil deeds, then he gets into trouble.



လူမိုက်သည် ခွန်အားရှိလျှင် သူတစ်ပါး ဥစ္စာကို အနိုင်အထက် လုယူတတ်၏။
ပညာနည်းသော ထိုသူမိုက်သည် သေလွန်ပြီးသော် ငရဲသို့ ရောက်ရ၏။
The fool, if he is stronger, may plunder others possessions by force.
After death that fool of less knowledge lands in hell.



လောကနီတီလေးများကို အခုလိုကူးယူခွင့်ပေးတဲ့ ဧရာဝတီစာကြည့်တိုက် ကိုအထူးပင်ကျေးဇူးတင်ပါတယ် ခင်ဗျာ။ မှတ်သား ဖွယ်ရာလောကနီတိလေးများကို ဖတ်ရှု့မှတ်သားရင်း သူငယ်ချင်းညီအကို၊ မောင်နှမများ အားလုံးဘ၀ အမောတွေပြေ ကြပါစေခင်ဗျာ....။

(တင်ထားပြီးသမျှ လောကနီတိ လေးများ)

ရာဇာထွေး
read more

Friday, July 5, 2013

သက်သတ်လွတ်နှင့် အသားကြီးဆယ်မျိုး




အရှင်ဘုရား
ဗုဒ္ဓဘာသာဝင် လူဝတ်ကြောင်တွေကို သက်သတ်လွတ်စားဖို့ ဆင်၊ မြင်း၊ ကျွဲ၊ နွား၊ ၀က် ဆိုတဲ့ အသား ကြီးငါး မျိုး ရှောင်ကြဉ် ဖို့ မြတ်စွာဘုရားရှင်ရဲ့ မိန့်ဆိုဟောကြားချက် ထေရ၀ါဒပိဋကတ်တော်မှာ ရှိ-မရှိ ဖြေ ကြားပေးတော်မူပါဘုရား …
                                                                                        
                                                                                                       အရှင်ရာဇိန္ဒ(ရဝေနွယ်-အင်းမ)


ဦးဇင်းရဝေနွယ်ရေ…
ထေရ၀ါဒ ဗုဒ္ဓအဆုံးအမနဲ့ ဆန့်ကျင်တဲ့ အပြောအဆို၊ အရေးအသားတွေကို အကြောင့်သင့် အကျိုး သင့် ရှင်းပြပြီး ဖယ်ရှား သုတ်သင်ရမယ့် တာဝန်ဟာ ထေရ၀ါဒ ဗုဒ္ဓဘာသာဝင်တိုင်းရဲ့ မထမ်းမဖြစ် ထမ်းဆောင် ရမယ့် " ဘုရားပေးတာဝန် " တစ်ခု ဖြစ်ပါတယ်။ (ဗုဒ္ဓ ဘာသာဝင် အမည်ခံပြီး ပြော ဆိုရေး သားတာတွေ ကို ပြောတာပါ။ တခြားဘာသာဝင်တွေရဲ့ ကိုယ့်ဘာသာဆိုင်ရာ ပြောဆိုရေးသားမှုတွေ ကိုတော့ ၀င်ရောက် စွက်ဖက်စရာ လုံးဝ မလိုပါဘူး။)


မြတ်စွာဘုရားရှင်က ဗြဟ္မဇာလသုတ္တန်မှာ "အဘူတံ အဘူတတော နိဗ္ဗေဌေတဗ္ဗံ- မမှန်တာကို မမှန်ဘူးလို့ ဖြေရှင်းပြရမယ်" လို့ မိန့်ကြားတော်မူထားပါတယ်။ ဘုရား၊ တရား၊ သံဃာ ရတနာသုံးပါးနဲ့ ပတ်သက်တဲ့ မဟုတ်မမှန်တာတွေကို " ဘာကြောင့် မဟုတ်ဘူး၊ ဘာကြောင့်မမှန်ဘူး " လို့အကြောင်း အကျိုးခိုင်လုံစွာ ဖြေရှင်းပြရမယ်..တဲ့။ သည်းခံတာပဲ ကောင်းပါတယ် ဆိုပြီး နှုတ်ဆိတ်ငြိမ်တိတ် မနေရ ဘူး..တဲ့။ အဲဒီလို ဘာမှ ပြန်ဖြေရှင်းမပြဘဲ နှုတ်ပိတ်နေတာဟာလည်း သည်းခံခြင်းအစစ်မ ဟုတ်ပါဘူး …တဲ့။
           

ရဝေနွယ်ရေ…
မြတ်စွာဘုရားရှင်က ရတနာသုံးပါးကို ဆည်းကပ်ကိုးကွယ်တဲ့ လူဝတ်ကြောင် ဒကာ၊ ဒကာမတွေကို သက် သတ်လွတ်စားဖို့ လုံးဝမိန့်ကြားတော် မမူခဲ့ပါဘူး။ လူဝတ်ကြောင်တွေကိုသာ မဟုတ်ပါဘူး။ သာသနာ့ အ တွင်းသား ရဟန်းတော်များကိုလည်း သက်သတ်လွတ်စားဖို့ လုံးဝ ပညတ်တော်မမူခဲ့ပါဘူး။


သက်သတ်လွတ် စားရုံသက်သက်နဲ့ ကုသိုလ်မရနိုင်လို့ မြတ်စွာဘုရားရှင်က သက်သတ်လွတ်စားဖို့ တိုက် တွန်းတော်မမူ ခဲ့တာပါ။ ပါးစပ်ထဲ ထည့်သွင်းလိုက်တဲ့ အစားအစာတစ်ခုကို " ဟိုဟာပဲ၊ ဒီဟာပဲ " လို့ ရွေးချယ် သတ်မှတ် လိုက်ရုံနဲ့ အလို လိုနေရင်း ကုသိုလ်စိတ်၊ အကုသိုလ်စိတ် ဖြစ်မသွားပါဘူး။ အစားအစာဟာ အစား အစာပါပဲ။ ဘာအစားအစာကိုပဲ စားစားကုသိုလ်ဖြစ်အောင် နှလုံးသွင်း ဆင်ခြင် ပြီးစားရင် ကုသိုလ်ရပါတယ်။ အကုသိုလ်ဖြစ်အောင် စဉ်းစားတွေးတောပြီး စားရင် အကုသိုလ်ရပါ တယ်။ အစားအစာက အဓိကမဟုတ်၊ စိတ်ကသာ အဓိက ဖြစ်တဲ့အတွက် အစာစားရင်း ကုသိုလ် ရ ချင်ရင် အစာကို ရွေးချယ်နေစရာမလိုဘဲ စိတ်ကိုသာ ပြုပြင်နေဖို့ လိုအပ်ပါတယ်။ ကိုယ်နဲ့မျှတတဲ့ အ စားအစာကိုရွေး ချယ်တဲ့ " ဘောဇနသပ္ပာယ " ကတော့ တစ်ပိုင်းတစ်ကဏ္ဍပေါ့။ (သက်သက်လွတ်နှင့် သပ္ပာယ အကြောင်း ဆောင်းပါးသီး သန့် ရေးပါမယ်။)
           

သက်သတ်လွတ်အစားအစာကို ပါးစပ်ထဲ ထည့်လိုက်ရုံနဲ့ အလိုလိုနေရင်း ကုသိုလ်ရမသွားသလို အသားငါး အစားအစာကို ပါးစပ်ထဲထည့်လိုက်ရုံနဲ့လည်း အလိုလိုနေရင်း အကုသိုလ်ဖြစ်မသွားပါဘူး။ သက်သတ်လွတ် စားရင်း လောဘ၊ ဒေါသဖြစ်စ ရာတွေ တွေးနေမယ်၊ အကုသိုလ်ဖြစ်စရာစကားတွေ ပြောနေမယ်ဆိုရင် သက် သတ်လွတ်စားရင်း အကုသိုလ်တိုးနေပါတယ်။ အသားငါးစားရင်း လောဘ၊ ဒေါသငြိမ်းကြောင်း ဘာဝနာ တစ်ခုခုကို ပွားနေမယ်၊ ကုသိုလ်ဖြစ်စရာ စကားတွေ ပြောနေမယ် ဆိုရင် အသားငါးစားရင်း ကုသိုလ် တိုးနေ ပါတယ်။
           

အတွေးကြောင့်ဖြစ်တဲ့ ကုသိုလ်၊ အကုသိုလ်က သပ်သပ်၊ အစားကြောင့်ဖြစ်တဲ့ ကုသိုလ်၊ အကုသိုလ် ကသပ် သပ်ရယ်လို့ မရှိ ပါဘူး။ သက်သတ်လွတ်အစားအစာဟာ ကုသိုလ်အစားအစာ မဟုတ်သလို အသားငါး အစား အစာဟာလည်း အကုသိုလ်အ စားအစာ မဟုတ်ပါဘူး။
           

သက်သတ်လွတ် စားရုံသက်သက်နဲ့ ကုသိုလ်ရတယ်ဆိုရင် နို့စို့အရွယ်ကလေးတွေ အမေနို့ စို့နေတဲ့အချိန် ၊ မြီးကောင်ပေါက် ကောင်မလေးတွေ သရက်ပေါင်း၊ ဆီးပေါင်း စားနေတဲ့အချိန်၊ ရုပ်ရှင် ဗွီဒီယိုကြည့် သူတွေနေကြာစေ့၊ ကွာစေ့ဝါးနေတဲ့အချိန်၊ အရက်သမား၊ ဘီယာသမားတွေ အရက်၊ ဘီယာသောက် နေတဲ့အချိန်၊ အရက်ဘီယာသောက် ရင်းအာလူးကြော်၊ မြေပဲလှော် မြည်းနေတဲ့အချိန်တွေမှာလည်း သူတို့တစ်တွေ အလကားနေရင်း ကုသိုလ်ရနေမှာပေါ့။ အဲဒါတွေ အားလုံး သက်သတ်လွတ်တွေချည်းပဲ မဟုတ် လား။
           

ပွင့်တော်မူခဲ့ပြီးသမျှ ဘုရား၊ ပစ္စေကဗုဒ္ဓါ၊ ရဟန္တာအရှင်မြတ်တွေ အားလုံး အသားငါး အစားအစာရော၊ အသီး အရွက် အစားအစာပါ ကြုံရာ ရရာကို စားရင်းကျင့်ကြံကြိုးကုတ် အားထုတ်ခဲ့ကြလို့ ဘုရား အဖြစ်၊ ပစ္စေက ဗုဒ္ဓါအဖြစ်၊ ရဟန္တာ အဖြစ်ကို ရောက်တော်မူခဲ့ကြပါတယ်။ သက်သတ်လွတ်စားတဲ့ ကုသိုလ်ကြောင့် ဘုရား၊ ပစ္စေကဗုဒ္ဓါ၊ ရဟန္တာဖြစ်သွားတဲ့သူ တစ်ဦးတစ်ယောက်မှ မရှိပါဘူး။
           

သက်သတ်လွတ်စားရုံသက်သက်နဲ့ ကုသိုလ်မရနိုင်တဲ့အတွက် အရှင်ဒေ၀ဒတ်ရဲ့  " ရဟန်းတော် တိုင်းသက် သတ်လွတ်စား ရန်" ပညတ်ပေးဖို့ အဆိုပြုချက်ကို မြတ်စွာဘုရားရှင်က "ဗီတိုအာဏာ" ထက်အဆပေါင်း များစွာသြဇာကြီးတဲ့ "ဗုဒ္ဓအာဏာ" နဲ့ ပြတ်ပြတ်သားသား ပယ်ချတော်မူခဲ့ပါတယ်။ ကိုယ့်အတွက် သီးခြား ရည်စူးပြီး သတ်တာလို့ မမြင်ရင် ၊ မကြားရင်၊ မယုံမှား ရင် လူဝတ်ကြောင်တွေအနေနဲ့ ဘယ်အသားကိုမဆို စားသောက်သုံးဆောင်နိုင်ပါတယ်။ လူဝတ်ကြောင်တွေ ရှောင်ကြဉ်ရ မယ့်အသား တစ်ခုမှ မရှိပါဘူး။ ရဟန်းတော်တွေကတော့ " လူသား၊ ဆင်သား၊ မြင်းသား၊ ခွေးသား၊ မြွေ သား၊ ခြင်္သေ့သား၊ ကျားသား၊ ကျား သစ်သား၊ ၀က်ဝံသား၊ အောင်းသား " ဆိုတဲ့ " အသားကြီးဆယ်မျိုး " ကို လုံးဝ ရှောင်ကြဉ်ကြရပါတယ်။
           

မြတ်စွာဘုရားရှင် လက်ထက်တုန်းက " သုပ္ပိယာ " ဆိုတဲ့ ဥပါသိကာမ တစ်ယောက်က အသား စွပ်ပြုတ်လိုအပ်နေတဲ့ ၀မ်းလျှော ရဟန်းတစ်ပါးကို ဈေးထဲမှာ အသားဝယ်မရတဲ့အတွက် မိမိရဲ့ပေါင်သား ကို လှီးဖြတ် စွပ်ပြုတ်လုပ်ပြီး  ဆက်ကပ် လှူဒါန်းခဲ့ပါတယ်။ မြတ်စွာဘုရား သိသွားတဲ့အခါ ဘာအသားလဲလို့ မစူး စမ်းဘဲ စွပ်ပြုတ်သောက်လိုက်တဲ့ ရဟန်းတော်ကို ကဲ့ရဲ့ရှုတ်ချပြီး ရဟန်းတော်များ လူသားလုံးဝမစားဖို့ ပညတ်ချက် ထုတ်လိုက်ပါတယ်။ " ဘာအသားလဲလို့ မစူးစမ်း၊ မမေးမြန်းဘဲ အသားဟင်း မစားရ၊ စားလျှင် ဒုက္ကဋ်အာပတ်သင့်စေ " လို့လည်း ၀ိနည်းစည်းကမ်း သတ်မှတ်လိုက်ပါတယ်။
           

အစာရေစာ ရှားပါးတဲ့တစ်ချိန်တုန်းက အလိုလိုသေဆုံးသွားကြတဲ့ ရှင်ဘုရင်ရဲ့ ဆင်တွေ၊ မြင်းတွေကို လူတွေက ဆင်သား ၊ မြင်းသားဟင်း ချက်စားကြပြီး ရဟန်းတော်တွေကိုလည်း လောင်းလှူကြပါတယ်။ ဘုဉ်းပေးတဲ့ ရဟန်းတော်တွေကို လူတွေ က " ကိုယ်တော်တွေ ဘာလို့ ဆင်သား၊ မြင်းသား စားကြ တာလဲ၊ ဆင်တို့၊ မြင်းတို့ဆိုတာရှင်ဘုရင်ရဲ့ အသုံးအဆောင်တွေ၊ မင်းအင်္ဂါတွေပဲ၊ ရှင်ဘုရင်သာသိရင်ကိုယ်တော်တွေ ကိုကျေနပ်မှာမဟုတ်ဘူး " လို့ ကဲ့ရဲ့  ကြတဲ့အတွက် မြတ်စွာဘုရားရှင်က ရဟန်းတော် တွေ ဆင်သား၊ မြင်း သား မစားဖို့ ပညတ်တော်မူရပြန်ပါတယ်။
           

လူတွေ လောင်းလှူလို့ ခွေးသား၊ မြွေသား ဘုဉ်းပေးကြပြန်တော့လည်း " စက်ဆုပ်စရာကြီး၊ ရွံစရာကြီး၊ ဘာ လို့ဘုဉ်းပေးကြ တာလဲ " လို့ ကဲ့ ရဲ့ ကြပြန်တဲ့အတွက် ခွေးသား၊ မြွေသား မစားဖို့ပညတ်တော်မူ ရပြန်ပါတယ် ။ မြွေသားမစားဖို့ ပညတ်တဲ့နေ ရာမှာတော့ " သုပဿ " ဆိုတဲ့ နဂါးမင်းက " သဒ္ဓါတရား မရှိတဲ့ နဂါးမျိုး ၊ မြွေ မျိုးတွေက ရဟန်းတော်တွေကို ဘာမဟုတ်တဲ့ အကြောင်းလေးတွေ လောက်နဲ့ လည်း ညှဉ်းဆဲနှိပ်စက်နိုင်တဲ့ အတွက်ရဟန်းတော်များ မြွေသားမစားဖို့တောင်းပန်ပါတယ် " လို့မြတ်စွာဘုရားရှင်ကိုတာင်း ပန်လျှောက် ထားခဲ့တာလည်း အကြောင်းတရားတစ်ခု အဖြစ် ပါဝင်ပါတယ်။
           

တောမုဆိုးတွေ လောင်းလှူတဲ့ ခြင်္သေ့သား၊ ကျားသား၊ ကျားသစ်သား၊ ၀က်ဝံသား၊ အောင်းသားတွေ ဘုဉ်းပေးပြီး တော ထဲမှာ သီတင်းသုံးကြပြန်တော့လည်း ခန္ဓာကိုယ်က ထွက်တဲ့ ခြင်္သေ့သားနံ့၊ ကျား သားနံ့၊ ကျားသစ်သားနံ့၊ ၀က်ဝံသား နံ့၊ အောင်းသားနံ့တွေကြောင့်  ခြင်္သေ့တွေ၊ ကျားတွေ၊ ကျားသစ်တွေ၊ ၀က် ၀ံတွေ၊ အောင်းတွေက ရဟန်းတော်တွေကို အမျိုးမျိုး ညှဉ်းဆဲတိုက်ခိုက် ရန်ပြု ကြပြန်တဲ့ အတွက် မြတ်စွာ ဘုရားရှင်က အဲဒီအသားတွေမစားကြဖို့ ရဟန်းတော်တွေကို ပညတ်ချက်ထုတ်ပြန်တော် မူရပြန်ပါတယ်။
           

အာပတ်အပြစ်အနေနဲ့ကတော့ လူသားစားရင် ထုလ္လစ္စည်းအာပတ်၊ ကျန်အသားကိုးမျိုးစားရင် ဒုက္ကဋ်အာ ပတ်သင့်ပါတယ်။ ဒီဆယ်မျိုးကို အသားသာ မစားကောင်းတာမဟုတ်ပါဘူး။ အရိုး၊ အရေ၊ အသား၊ အသွေး၊  အမွေးဘာကိုမှ မသုံးကောင်းပါဘူး။ သုံးရင် အာပတ်သင့်ပါတယ်။ အသားကြီးဆယ်မျိုးက လွဲရင်ဘယ်အ သားငါးကိုမဆို ရဟန်းတော်များ ဘုဉ်းပေးတာ ကောင်းပါတယ်။ ဘာအာပတ်မှ မသင့်ပါဘူး။ ဘာအကုသိုလ် မှ မဖြစ်ပါဘူး။ လောကီ၊ လောကုတ္တရာ ဘယ်လိုကောင်းကျိုးမျိုးကိုမှ မတားမြစ် နိုင်ပါဘူး။
           

ရဝေနွယ်မေးတဲ့ " ဆင်၊ မြင်း၊ ကျွဲ၊ နွား၊ ၀က် " ထဲက ဆင်နဲ့ မြင်းကိုတော့ ရဟန်းတော်များ လုံးဝရှောင် ကြဉ်ရပါတယ်။ ကျွဲ၊ နွား၊ ၀က် ကိုတော့ရှောင်ကြဉ်စရာမလိုပါဘူး။ ကိုယ်နဲ့တည့်ရင် စားနိုင်ပါတယ်။ လူ ၀တ်ကြောင်တွေကတော့ ဆင်၊ မြင်း၊ ကျွဲ၊ နွား၊ ၀က် ငါးမျိုးစလုံး ဆန္ဒရှိသလိုစားနိုင်ပါတယ်။ မတည့် လို့ရှောင်တာကလွဲရင် အကုသိုလ်ကြောက်ပြီးလည်း ရှောင်စ ရာမလိုပါဘူး။ ကိုယ်လိုချင်တဲ့ကောင်း ကျိုးတွေ မရမှာ၊ ကိုယ်ကျင့်နေတဲ့ ကျင့်စဉ်တွေ မအောင်မြင်မှာ ကြောက်ပြီး လည်း ရှောင်စရာမလိုပါဘူး။ အသားကြီး ငါးမျိုး ရှောင်ကြဉ်ရုံနဲ့လည်း အလိုလိုနေရင်း ကုသိုလ်ရမသွားပါဘူး။ ကိုယ့်ဘာသာ ကိုယ် မစားချင်လို့မစား တာကိုလည်း ဘာမှထူးပြီး ချီးမွမ်းစရာ မရှိပါဘူး။
           
အဆန်းမထွင်ဘဲ ဘုရားဟောမူရင်းအတိုင်း လိုက်နာကျင့်ကြံကြတဲ့ ဘုရားသားတော် ရဟန်းတော် (အမှန်အကန်) တွေက ဘုရားဟော ပိဋကတ်တော်နဲ့အညီ ပြောကြရေးကြတာကို ဘယ်သူ့ ပုတ်ခတ်တာ၊ ဘယ်ဝါ့ စော်ကားတာလို့ မကျေမနပ် တုံ့ပြန်ကြတာ လုံးဝ သဘာဝမကျပါဘူး။ ဘုရားဟောမရှိလို့ မရှိဘူးပြောတာ၊ ဘုရားဟောနဲ့ မညီလို့ မညီဘူးပြောတာ စိတ် ဆိုးစရာ၊ ဒေါသထွက်စရာ မဟုတ်ပါဘူး။ ၀မ်းမြောက်စရာ ၊ ကျေးဇူးတင်စရာပါ။ အယူမှန် သမ္မာဒိဋ္ဌိကို မြတ်နိုးတယ် ဆိုရင်ပေါ့။ ကိုယ့်အပြော၊ ကိုယ့်လုပ်ရပ်ကို ဘုရားဟောနဲ့ မညီဘူးလို့အပြောမခံချင်ရင် အစကတည်းက ဘုရားဟောနဲ့ ညီအောင် ပြောပြီးဘုရားဟော နဲ့ ညီအောင် လုပ်ရုံပါပဲ။
           

" အဘူတံ အဘူတတော နိဗ္ဗေဌေတဗ္ဗံ- မမှန်တာကို မမှန်ဘူးလို့ ဖြေရှင်းပြရမယ် " ဆိုတဲ့ ဗုဒ္ဓအဆုံးအမ ထဲက " မမှန် " ဆိုတာ ဘုရားဟောအမှန်၊ တရားသဘောအမှန်နဲ့ ဆန့်ကျင်တဲ့ " မမှန် " ကိုပြောတာပါ။ ကိုယ့်အကြိုက်၊ ကိုယ့်အမှန်နဲ့ ဆန့်ကျင်တဲ့ " မမှန် " ကို ပြောတာမဟုတ်ပါဘူး။ ကိုယ်ကြိုက် လို့ကိုယ်မှန် တယ်ထင်နေတဲ့ အမှန်မှားနဲ့ ဆန့်ကျင်တိုင်း တာ " မမှန် " လို့ လိုက်ဖြေရှင်းနေမယ် ဆိုရင်တော့ ဖြေလေ ရှုပ်လေ၊ ရှင်းလေ မှားလေ ဖြစ်နေမှာ သေချာပါတယ် ။   ။


" မကျင့်လည်းမှား၊ ကျင့်လည်းမှား " တဲ့ အဖြစ်ဆိုးမျိုးမှ လွတ်မြောက်နိုင်ကြပါစေ။ 




“ အရှင်ဆန္ဒာဓိက-ရွှေပါရမီတောရ ၏ နို့နှစ်လုံးဖိုးကျေပါတယ်စာအုပ် ” မှ ပြန်လည်ကူးယူဖော်ပြပါသည်။


ရာဇာထွေး
read more
“ သင့်ရဲ့စကားလေးတစ်ခွန်းက နေ့သစ်တွေအတွက် အားဆေးလေးတစ်ခွက်ပါ”... သူငယ်ချင်း ညီအကိုမောင်နှမများအားလုံးဘ၀ အမောတွေပြေ ကြပါစေခင်ဗျာ...
“ Blog မိတ်ဆွေ၊ သူငယ်ချင်း၊ ညီအကို မောင်နှမများ..”

Color Code ယူရန်: