Thursday, March 1, 2012

သစ္စာသည်သာအားကိုးရာ(စိတ်အားဖြည့်ဓမ္မသံစဉ်-၂)















နှလုံးသားကို သော့ခတ်ထားပါ။

ချစ်ရတာလည်းဒုက္ခ၊ မုန်းရတာလည်း ဒုက္ခပါပဲ။

ချစ်တဲ့သူကိုမတွေ့ရရင်၊ စိတ်ပူလောင်ရသလို

မုန်းသူကိုမြင်ရရင်လည်း စိတ်ဆင်းရဲရပါတယ်။

စိတ်မပူလောင်ချင်ရင် ဘယ်သူ့ကိုမှ မချစ်ပါနဲ့။

စိတ်မဆင်းရဲချင်ရင် ဘယ်သူကိုမှမမုန်းပါနဲ့။



သစ္စာသည်သာအားကိုးရာ။

အရေးကြီး ကိစ္စကြုံတိုင်း ကြုံတိုင်း ကိုယ်အားထုတ်ထားခဲ့တဲ့

ကုသိုလ်ကောင်းမှုတွေ ကိုယ်ပြုလုပ်ထားခဲ့တဲ့ အပြုသဘောလုပ်ရပ်တွေကို

သစ္စာဆိုတိုင်တည်ပြီး ဆုတောင်းလိုက်ပါ။

လိုအင်ဆန္ဒအားလုံး ပြည့်ဝပါလိမ့်မယ်။



အမှန်ရှာမှ အရှာမှန်မယ်။

မိမိကိုယ်တိုင်က သေခြင်းသဘော ပျက်ခြင်းသဘောရှိပေမယ့်

မသေမယ့် သဘော မပျက်မယ့်သဘောကို

ရှာဖွေနိုင်ခဲ့မယ်ဆိုရင် အဲဒီရှာဖွေခြင်းဟာ

မြင့်မြတ်သော ရှာဖွေခြင်းပါပဲ။

ဘာလို့လဲဆိုတော့ သေခြင်းတရားက လွတ်မြောက်နိုင်လို့ပါ။



စိတ်ကိုနေ့တိုင်းရေချိုးပေးပါ။

သတ္တဝါတွေရဲ့ စိတ်အစဉ်ဟာ ပုံမှန်အားဖြင့်

ကိလေသာအညစ်အကြေးတွေနဲ့ ညစ်နွမ်းပေကျံနေပါတယ်။

စိတ် တက်ကြွမှုမျိုးစုံ၊ စိတ်ပျက်ကျမှုမျိုးစုံနဲ့

ညစ်ပတ်ချင်တိုင်း ညစ်ပတ်နေတဲ့

စိတ်အစဉ်ကို သတိပဋ္ဌာန်ရေစင်နဲ့ သွန်းလောင်းဆေးလျှော်မှသာ

ဖြူဖွေးသန့်စင်သွားနိုင်ပါတယ်။



ဒီနေ့ကောင်းဖို့က အဓိက။

ပြီးဆုံးခဲ့တဲ့အတိတ်အကြောင်း

ဖြစ်မလာသေးတဲ့ အနာဂတ်အကြောင်းတွေကို

မလိုအပ်ဘဲတွေးတောနေပြီး စိတ်ပင်ပန်းမနေသင့်ပါဘူး။

မသေခင်ကိုယ်တကယ်ပိုင်တဲ့ ပစ္စုပ္ပန် တစ်ခဏလေးမှာပဲ

စိတ်ကိုတည့်တည့်ချထားပြီး လုပ်သင့်လုပ်ထိုက်တာကို

အကောင်းဆုံးဖြစ်အောင်လုပ်ရပါမယ်။



အလှသေမှ အသေလှမယ်။

ဘဝပြတ်အောင်အားမထုတ်နိုင်သေးသူအတွက်

သေခါနီးမှာ တမလွန်ဘဝကူးကောင်းဖို့

အလွန်အရေးကြီးပါတယ်။

သေရမယ့် အချိန်ကိုကြိုသိရင် ဘဝကူးကောင်းဖို့အတွက်

စိတ်တိုင်းကျကြိုတင်ပြင်ဆင်နိုင်ပါတယ်။

သေရမယ့် အချိန်ကို ကြိုသိချင်တယ်ဆိုရင်တော့

အာနာပါန သတိပဋ္ဌာန်တရားကို

လေးလေးစားစား ပွားများအားထုတ်ကြရုံပါပဲ။



အသက်မထွက်ခင် သေနှင့်ပါ။

မနိုးသောအိပ်စက်ခြင်းနဲ့ အိပ်စက်ခါနီးအချိန်မှာ

အကောင်းဆုံးအနေအထားဖြစ်နေဖို့အတွက်

နိုးသောအိပ်စက်ခြင်းနဲ့ အိပ်စက်ခါနီးအချိန်ကို

အကောင်းဆုံးအနေအထားဖြစ်အောင်

လေ့ကျင့်ထားဖို့လိုအပ်ပါတယ်။

အသေကြီးနဲ့သေခါနီးအချိန်မှာ အာရုံကောင်း

နမိတ်ကောင်းတွေ ထင်မြင်နေဖို့အတွက်

အသေလေးနဲ့ သေခါနီးအချိန်ကို အာရုံကောင်း နမိတ်ကောင်းတွေနဲ့

ထုံမွမ်းပေးထားရပါမယ်။



နှာခေါင်းရှိရင် အလုပ်ဖြစ်တယ်။

အိပ်ချိန် နိုးချိန် အချိန်တိုင်းမှာ ထင်ရှားနေတဲ့အတွက်

ရှုမှတ်ရတာလည်း လွယ်ကူ မရပ်မနားလည်း အဆက်မပြတ်

ရှုမှတ်နိုင်တာကြောင့် အာနာပါနကမ္မဋ္ဌာန်းကို

ပင်တိုင်ကမ္မဋ္ဌာန်းအဖြစ် သတ်မှတ်ပြီး အားထုတ်တာဟာ

လူအများစုအတွက် အသင့်တော်ဆုံးပါပဲ။



အရသင့်ဆုံးဆု။

နိဗ္ဗာန်ချမ်းသာဟာ ဘယ်တော့ဆိုဘယ်တော့မှ

ကုန်ပျောက်ပျက်စီးခြင်းမရှိ အစဉ်ထာဝရတည်မြဲနေတယ်

ဆိုတာကို အသေအချာ အလေးအနက်တွေးကြည့်ရင်

နိဗ္ဗာန်ချမ်းသာလောက် လိုချင်စရာကောင်းတဲ့ချမ်းသာ

လောကမှမရှိတော့ပါဘူး။



တစ်ကိုယ်ကောင်းဆန်ရင် လူမဟုတ်။

နေမင်းကြီးဟာ မကွယ်ခင်မှာ ကိုယ်တိုင်လည်းတောက်ပ

လောကကိုလည်း အလှဆင်သလို

လူဟာလည်း မသေခင်မှာ ကိုယ်အမျိုးလည်းဆောင်ရွတ်

သူတစ်ပါးအကျိုးလည်း သယ်ပိုးကြရပါတယ်။



မှတ်ချက်။      ။ အရှင်ဆန္ဒာဓိက(စိတ်အားဖြည့် ဓမ္မသံစဉ်)စာအုပ်မှ ကောက်နှုတ်ချက်ဖြစ်ပါသည်။

စာဖတ်သူအားလုံးကိုယ်စိတ်နှစ်ပါး ကျန်းမာချမ်းသာကြပါစေ။

အရှင်ဝိမလဝံသ(နာလန္ဒာတက္ကသိုလ် အိန္ဒိယနိုင်ငံ)

www.wiradhamma.blogspot.com/

ဦးဇင်းဘလော့မှာလည်းလာရောက်လေ့လာဖတ်ရှုနိုင်ပါသည်။

No comments:

Post a Comment

Gadget

This content is not yet available over encrypted connections.
“ သင့်ရဲ့စကားလေးတစ်ခွန်းက နေ့သစ်တွေအတွက် အားဆေးလေးတစ်ခွက်ပါ”... သူငယ်ချင်း ညီအကိုမောင်နှမများအားလုံးဘ၀ အမောတွေပြေ ကြပါစေခင်ဗျာ...
“ Blog မိတ်ဆွေ၊ သူငယ်ချင်း၊ ညီအကို မောင်နှမများ..”

Color Code ယူရန်: